Gebeurtenissn
- 13 januoari - Mexico stoat Californië of an de Verênigde Stoat'n.
- 23 februoari - Slag by Buena Vista in de Mexicoans-Amerikoanschn Oorloge: D' Amerikoan'n ounder Zachary Taylor versloan de Mexicoansche troep'n ounder Antonio López de Santa Anna.
- 20 juni - Openienge van de Sint-Hubertusgaleryen van architect Jean-Pierre Cluysenaar in Brussel.
- 27 juni - Openienge van De Minard, 't êeste Vlams theoater in Gent. De Gentschn architect Louis Minard liet 't theoater bouwn ip eign kost'n ols reactie ip 't Franstoalig theoater en den opera in Gent.
- 26 juli - Keunienk Leopold I van België benoemt Hendrik Conscience toet lêroare Nederlands van zyn zeuns.
- 13 september - Mexicoans-Amerikoanschn Oorloge: Slag by Chapultepec, Mexico-Stad valt in hand'n van d' Amerikoan'n.
- 25 oktober - De guillotine wordt vo de latste kèe gebruukt ip de Brusselsche Grôote Markt vo den 21-joarige J.F.Brecht die zyn zuster vermoôrd hèt.
- 7 november - In Brussel hèn e groep communistisch gezinde burgers en volksmenschn den Assemblée démocratique ipgericht, een internationale vergoarienge van lienks-revolutionairn. Den Duutsche filosoof Karl Marx wordt oundervoôrzitter.
