Gebeurtenissn
- januoari
- 1 - Den Egyptenoare Boutros Boutros-Ghali wordt Secretoaris-generoal van de Verênigde Noasjes (VN).
- 2 - Servië en Krowoasje sluutn e woapnstilstand.
- 8 - De Serviërs in Bosnië-Herzegovina roepn under eign republiek uut.
- 15 - Een oenofhankelik Slovenië en een oenofhankelik Krowoasje wordn ofgesplitst van Joegoslavië.
- 26 - Boris Jeltsin makt bekend da Rusland gêen kernrakettn nie mê goa richtn ip Amerikoansche steedn.
- februoari
- 7 - 't Verdrag van Maastricht, geslootn binst 't Hollands vôorzitterschap in december 1991, wordt oendertêeknd deur de lidstoatn van d' Europeesche Unie. De Brittn èn voorbehoud angetêeknd over den Euro (de monetaire êenwordienge) en de Sociale paragraaf.
- moarte
- 13 - Een eirdbevienge met de kracht van 6,8 op de schoale van Richter makt te minste 500 slachtoffers in Ôost-Turkeye.
- 17 - By e referendum stemmn blanke Zuud-Afrikoann vo 't ofschaffn van 't apartheidsbeleid in Zuud-Afrika.
- 24 - Dirk Frimout wordt den êeste Belgische ruumtevoarder, an bôord van de Spaceshuttle Atlantis.
- april
- 5 - Bosnië-Herzegovina verkloart under eign oenofhankelik.
- 9 - John Major bluuft teegn de verwachtiengn êeste minister van 't Verênigd Keunienkryk, nu da zyn Conservative Party de parlementsverkieziengn gewonn èt.
- 12 - Euro Disney (nu Disneyland Paris) in Marne-la-Vallée, Frankryk, oopnt zyn deurn.
- meie
- 10 - Club Brugge wordt landskampioen foetbal in België.
- juli
- 25 - D' Olympische Zomerspeeln openn in Barcelona.
- 26 - Miguel Indurain wint de 79ste ediesje van de Roende van Frankryk. 't Is de twêede eindoverwinnienge in e reeke vo de Spoansche coureur.
- oktober
- 4 - E vlieger van d' Israëlische moatschappie El Al stort neere ip twêe appartementsgebouwn in den Amsterdamsche wyk Bijlmermeer. Der valln 43 dôoie.
- 28 - Oendergank van de Boelwerf in Temse an de Schelde.
- november
- 3 - Bill Clinton versloat George H.W. Bush in de presidentsverkieziengn in de VS.
- 11 - Verschillige kerkn van d' Anglicoansche Gemêenschap stemmn vo 't toelaten van vrouwn vo paster.
- 20 - Roend de noene brêekt er brand uut in Windsor Castle by de Private Chapel.
- december
- 3 - De Grieksche olietanker Aegean Sea, ip weg noa A Coruña in Spanje, lopt binst e storm vaste an de groend en verliest e grôot dêel van de 80.000 tonne olie an bôord.
- In heur kersttoesproake sprêekt keuniginne Elizabeth van 't Verênigd Keunienkryk van een "annus horribilis": heur zeuns prins Charles en prins Andrew zyn gescheid van under vrouwn en der was brand ip Windsor Castle.
