Gebeurtenissn
- januoari
- 1 - Nafte mè lôod wordt in al de lidstoatn van d' Europeesche Unie officieel verboodn.
- 1 - In België vervangt de SIS-koarte de kleefbrieftjes by den apotheker en de klinieke.
- 1 - Genk, Mortsel, Woaregem en Seraing wordn steedn.
- 1 - Zonenumero's wordn verplicht by ieder telefonggesprek in 't binneland.
- 1 - Miljoenn menschn in de weireld viern den overgank noa 't magisch joar 2000, alhoewel dat de 20e êeuwe en 't twêede millenium eigntlyk mor e joar loater begunn. Grôte probleemn die vôorspeld woarn met de Milleniumbug bluuvn uut.
- 15 - De West-Vlamschn avocoat en volksverteegnwoordiger Geert Bourgeois wordt verkoozn toet nieuwe vôorzitter van de Volksunie.
- 25 - De West-Vlamsche schryver Hugo Claus krygt in Italië de prestigieuze prys Premio Nonino vo d' Italioansche vertoalienge van zyn boek Het verdriet van België.
- meie
- 13 - Vierwerkrampe in Enschede in Holland. E magazyn mè vierwerk van 't bedryf S.E. Fireworks schiet in brande. Der valn 23 dôoie en 950 menschn geroakn gekwetst. E complete weunwyk mè 200 huuzn is hêlegans vernield.
- juli
- 25 - E Concorde, e supersonische vlieger van Air France, stort nere juste buutn Parys. Der zyn 113 dôoie.
- ogustus
- 4 - De Britsche Queen Mum wordt hoenderd joar.
- 12 - In de Russische kernoenderzêebôot Koersk oentploft er e defecte torpedo. D' 118 menschn in de bôot overleevn 't accident nie.
- september
- oktober
- 8 - Gemêente- en provinsjeroadsverkieziengn in België.
- november
- 7 - Presidentsverkieziengn in de Verênigde Stoatn. De belangrykste kandidoatn zyn George W. Bush (republikein) en Al Gore (democroat).
- december
- 31 - Officieel de latstn dag van 't twêede Millennium volgenst de gregorioansche kalender.
- 31 - E zwoare cafébrand in Volendam in Holland eist 't leevn van vêertien joenge menschn en mêer of 150 joenge gastn geroakn styf erg verbrand.
- Aagje Vanwalleghem wint vo den êestn ki den Belgischn titel turnen (by de beloftn)
- Jan Bucquoy briengt den film Vrijdag Visdag (La vie sexuelle des Belges V) uut.
