Gebeurtenissn
- januoari
- 5 - Duuzende menschn zyn ip de vlucht vo busbrandn ip 't Australisch eiland Tasmanië.
- 20 - Barack Obama begunt an zyn twidde termyn als President van de Verênigde Stoatn.
- 21 - Publieke inhuldigienge van de 44ste president van de Verênigde Stoatn.
- 28 - Keuniginne Beatrix van Holland makt bekend da z' ip 30 april 2013 goat oftreedn en 't keunienkschap overdroagt an eur zeune prins Willem-Alexander van Oranje-Nassau.
- februoari
- 2 - Sven Nys wint 't Weireldkampioenschap cyclocross in Louisville (Verênigde Stoatn). Klaas Vantornout is twiddn.
- 10 - Chinees Nieuwjoar. Begun van 't joar van de slange.
- 11 - Paus Benedictus XVI makt bekend dat ie goat oftreedn.
- 15 - By e meteorietinslag in 't Russisch Oeralgebied geroakn der hoenderde menschn gekwetst.
- 28 - Paus Benedictus XVI treedt of als paus.
- moarte
- 13 - Jorge Mario Bergoglio (76) uut Argentinië wordt verkoozn toet nieuwe paus. Je kiest de noame Franciscus.
- 31 - Poaschn
- april
- 15 april - E bomanslag binst de marathon van Boston kost 't leevn an drie menschn.
- 30 - Trôonswisselienge in Holland.
- meie
- 4 - Tring-en vergiframpe in Wettern, Ôost-Vloandern. Der valt êen dôon en hounderd gekwetste.
- 18 - Denemarkn wint 't Eurovisiesongfestival.
- juni
- 29 - Begun van den 100stn Tour de France, die start ip Corsica.
- juli
- 1 - Krowoasje wordt lid van d' Europeesche Unie.
- 1 - Litouwn pakt 't vôorzitterschap van de Road van d' Europeesche Unie over van Ierland.
- 3 - 't Leger van Egypte zet president Mohamed Morsi of.
- 21 - Trôonswisselienge in België.
- 21 - Den Brit Chris Froome wint den 100stn Tour de France.
- 24 - By e tringrampe in de Spoansche stad Santiago de Compostella vall'n der e stik of 80 dôo en 130 gekwetste.
- ogustus
- 14 - D' Egyptische regerienge roept de nôodtoestand uut, achter dat in Caïro en de reste van 't land e goeie 638 dôo en 3000 gekwetste gevall'n zyn by betogiengn van anhangers van ex-president Morsi.
- 21 - In e vôorstad van Damascus in Syrië wordt er 'n anval uutgevoerd me Sarin (zenuwgaze). Der vall'n 1400 dôo en nog e ki zovele gekwetste.
- september
- 8 - In Syrië wordt 't Christelik dorp Ma'loula veroverd deur rebell'n van 't Vry Syrisch leger. Kerkn wordn geplunderd en inweuners wordn verplicht van hunder te bekêern toet den Islam.
- oktober
- 11 - D' Organisoasje vo 't Verbod ip Chemische Woapens, met de zetel in Den Haag, wint de Nobelprys vo de Vrede.
- 11 - Met hunder overwinnienge teegn Krowoasje kwalificeern de Rôo Duvels hunder vo 't WK voetbol in Brazilië.
- 28 - E zwoare storm roast over West-Europa. Ook in België zorgt de storm voor styf vele schoa.
- november
- 8 - Ip de Filipyn'n passeert er e typhoon van type 5. Der zyn 11 miljoen menschn getroff'n en teminste 6000 dôo geteld. Doarachter trok den typhoon nog deure noa Vietnam en China woa dat er minder schoa was.
- december
- 3 - Ip den A19 Yper - Kortryk gebeurn der drie zwoare kettiengbotsiengn ip 'n ofstand van 10 km, te wytn an mistbankn die al met e ki ipgekomm'n woarn. Der zyn 132 voertuugn by betrokk'n en der vall'n twi dôo.
- 5 - E zwoare storm (de Sint-Nikloaistorm, ook Xaver of Bodil genoemd) trekt over Nôord-Europa, ip sommigte plekkn met orkoankracht. De storm valt tegoare mè spriengty woadeure da 't kustwoater styf hoge stoat. In verschillige landn zyn d' hoogste woaterstandn gemeetn sins de Woatersnôodrampe van 1953.
- 7 - De Vlamsche actrice Veerle Baetens wint in Berlyn den Europeesche filmprys vo beste actrice. De Vlamsche kortfilm Dood van een schaduw, geschreevn en geregisseerd deur Tom Van Avermaet, wint de prys van de beste kortfilm.
- 8 - De Vlamschn atleet Pieter-Jan Hannes wint 't Europees Kampioenschap veldloopn by de beloftn (U23) in Belgrado.
- 29 - Den Duutschn ottocoureur Michael Schumacher gerakt levensgevoarlik gekwetst by e skiaccident in Méribel in de Fransche Alpn. Je wordt met e schedelbreuke ofgevoerd noar e klinieke in Grenoble en je wordt in e kunstmoatige coma g'houdn.
