Gebeurtenissen
- In Rome wordn Vespasianus Augustus en zyn zeune Titus Caesar Vespasianus deur de Senoat gekoozn toet consul van 't Imperium Romanum.
- Keizer Vespasianus herstelt de pretorioansche garde in êre en benoemt Sextus Julius Frontinus toet pretor van Rome.
- Domitianus trouwt met de 17-joarige Domitia Longina, e dochter van Gnaius Domitius Corbulo.
- De Senoat benoemt Vespasianus toet Pater patriae achter zyn overwinninge ip de Joodn.
- Castra Vetera, e Romeins legerkamp in de provinsje Neder-Germanië (Germania Inferior) wordt deur de Batoavn, e West-Germoans volk, veroverd. De commandant Munius Lupercus gèeft hemzelve over. Julius Civilis belooft e vryen oftocht, moar oender boane wordn 5.000 soldoatn in een hinderloage ofgeslacht.
- Batoafschn Ipstand: De Germoansche stammen, de Chatten en d' Usipetes, bedreign Mogontiacum (Mainz). Vespasianus zendt e Romeins expediesjeleger noa Germania Inferior vo den ipstand van de Batoavn, Frisii en Galliërs t' oenderdrukken.
- Ende van de Joodschn oorloge: Titus belegert Jeruzalem en omsingelt de stad mè vier Romeinsche legioenen. Achter d' innoame wordt de Joodschn Tempel verwoest en wordn d' inweuners ols sloavn ofgevoerd. Allêne de Kloagmeur is nog zichtboar overgebleevn.
