't Joar 844 is 't 44e joar in de 9e eeuwe volgenst de christelikke joartellienge.
Routes en veroveriengn van de Vikiengs tusschn 800-1050
Gebeurtenissn
De Deensche Vikiengs begunn met under plundertochtn in Asturië en Portugal.
25 januoari - Paus Gregorius IV sterft achter e pontificoat van 16 joar. In Rome brêekt er e volksipstand uut en 't Lateroans paleys (residensje van de pausn) wordt geplunderd. Teegnpaus Johannes VIII wordt ip de pauselyke trône gezet, moa deur de Romeynsche aristocroatn verdreevn.
januoari - Sergius II wordt den 102e paus van de Katholieke Kerke. Je lat Johannes VIII gevangn zett'n en je verbant hem noar e klôoster.
Paus Sergius II benoemt Drogo, êen van de bastoardzeuns van Karel de Grôotn en bisschop van Metz, toet vicoaris. Drogo stoat goed angeschreevn by keyzer Lotharius.