Gebeurtenissen
- Boudewyn met den Yzern Oarm wordt groaf van Terwoan.
- 't Grôot heidens leger van de Vikings oender anvoeringe van Ivar en Halfdan Ragnarsson rukt ip noa Northumbria. De Denen verovern zoender teegnstand de stad York.
- 27 meie - Ordoño I, keunink van Asturië (Nôord-Spanje), sterft achter e regeerperiode van 16 joar. Ie wordt ipgevolgd deur zyn zeune Alfonso III, die loater "Alfonso de Grôotn" wordt genoemd.
- 2 juli - Slag by Brissarthe in Neustrië: Frankische troepn, oender leidinge van Robert de Sterkn, wordn versleegn deur e leger van Bretoenen en Vikings. Omda Robert de Sterkn peisde dat er e pauze was in de gevechtn, trokt ie zyn zwoarn harnas uyt. Deurdat ie oenbeschermd was kostn de Vikings, die hunder weggestookn han in e kerke, hem gemakkelik van kant moakn deur hem dôod te sloan met e byle.
- Keizer Lodewyk II versloat de Saracenen die e plunderveldtocht houdn in 't zuydn van Italië.
- Giselbert I, Frankischn edelman en stamvoader van 't Huys van de Reiniers, wordt benoemd toet groaf van de Lommegouwe (nu provinsje Noamn).
