E botte is e bepoald type schoeisel met een hoge schacht, deurgoans gemakt van leer, moar ook caoutchouc en kunststoffn wordn gebruukt. E botte kan dienn vo te beschermn teegn vocht, vuuligheid of koude, moa wordt ook anzien lyk modieus en antrekkelyk schoeisel.

D' hoogte van e geweune botte kan varieern van juste boovn de knoezel, toet an de kyte, de knie of de liesche, ofhankelyk van de lengte van de schacht.

Sôortn bottn

• Bottine, korte botte.
• Modieuze botte, juste lyk by schoes met talongs, riekôordn, e tirette, e puntige of roende top.
• Caoutchouc botte, vo de voetn en broekspuupn te beschermn teegn woater, slyk of vuuligheid.
• Legerbotte, gemakt van stevig leer en gedreegn deur militairn.
• Rybotte, vo te peirde te rien.
• Coboybotte, ôorsproenkelyk gedreegn deur veedryvers in Amerika, moa nu ook geweune.
• Moonboot, e gewatteerde botte vor in de snêeuw, die zowel beschermt teegn vocht of teegn koude.
• Stiefel, botte in glas, van ôorsproeng uut Duutsland, vo bier uut te drienkn.

De vorm van 't land Italië wordt vergeleekn met e botte.

Ofbeeldiengn die ier by passn ku je vien in de categorie Boots van Wikimedia Commons.