Eusosjalieteit is e begrip uut de dierkunde. 't Goat oovre e vorm van tegoare leevn woaby datr oovrelappnde generoasjes zyn, e tegoare werkn by de broedzorge en gespeesjaliezeerde vôortplantienge, en kastn die undre nie vôortplantn. De eur vôortplantnde kaste bestoat uut e keuneginne (en desgevollnd êen of mêer vruchtboare vintjes). D' andre kaste bestoat uut dikkers oenvruchtboare werkrs en soldoatn, zowêl vintjes of wuuvetjes.

Insektn

By insektn is dr gin verschil tusschn sosjoale insektn en "eusosjalieteit". Sosjoale insektn zyn oltyd koloonjevormnd, mor ook allêeneleevnde insektn kun 'n andre sôorte koloonje vormn (zoendre keuneginne), lik sommigte wantsn en veele bladluuzn.

Eusosjalieteit komt vôorn by :

• alle termietn
• 'n antal insektn die ôorn by d' orde van de vliesvleuglign:
  • alle miern
  • de mêeste sôorten ommels, uutgezonderd de koekoekshommels
  • sommigte sôortn byn, lik d' ôonienkby
  • sommigte sôorten wespachtign, lik de papierwespn (woaroende den ussel, de Duutsche wespe en de hôornoare).

Zoogbêestn

Oendre de zoogbêestn komt eusosjalieteit allêen vôorn by twêe sôortn uut Afrika by d' orde van de knaagrs : Heterocephalus glaber en Cryptomys damarensis.