Dat artikel es geschreevn in 't Noordelik West-Vlams.
Giraffe
Angolagiraffe (Giraffa giraffa angolensis)
Angolagiraffe (Giraffa giraffa angolensis)
Taxonomische indêlienge
Ryk:Animalia (Bêestn)
Stamme:Chordata (Chordabêestn)
Klasse:Mammalia (Zoogbêestn)
Orde:Artiodactyla (Eevnhoevign)
Ounderorde:Ruminantia (Herkauwers)
Familie:Giraffidae (Girafachtign)
Geslacht
Giraffa
Brisson, 1762

Leefgebiëd

De giraffe (Giraffa) is e geslacht van eevnhoevige zoogbêestn die in Afrika leevn. 't Zyn de grotste bestoande landbêestn en de grotste herkauwers ip eirde.

De belangrykste kenmerkn van de giraffe zyn de styf lange nekke en pôotn, hoornachtige uutsteeksels ip hunder kop (ossicoonn ) en 't vleknpatrôon ip hunder vacht. T'hope met de nauwste verwant, de veel klèindere okapi, vormt de giraffe de familie Giraffidae.

Girafn eetn bloarn, vruchtn en blomn van hoetachtige plantn, surtout acaciasôortn, moar ook van andere struukn en boomn. Deur hunder lange nekke kunn ze by bloarn, woar dan andere herbivoorn nie an kunn. Ze pakn de bloarn vaste met hunder lange, doenkere toenge.

't Verspreidiengsgebiëd van de giraffe is styf grôot. 't Strekt hem uut van Tsjad in 't nôordn toet Zuud-Afrika in 't zuudn, en van Niger in 't westn toet Somalië in 't ôostn. Girafn zyn te viendn in savannes en busryke gebiëdn.

Traditioneel wordn girafn geziën lik êen sôorte, Giraffa camelopardalis, mè neegn oendersôortn. DNA-oenderzoek gepubliceerd in 2016 levert e (vôorlopig) nieuwe indêlienge in vier sôortn:

Uut 't fossielnbestand zyn der ook nog zeevn uutgestorvn sôortn girafn bekend.

Wikimedia Commons
Categorieën