Lambert Pietkin (ook: Pietquain) (Luuk, gedopt 22 juni 1613 - Luuk, 16 september 1696) was e Luuksche componist, dirigent en organist.

Leevn

Pietkin krêeg zyn muzikoale ipleidienge van Henri de Remouchamps an de Sint-Lambertuskathedroale in Luuk. In 1630 droeg Remouchamps an hem de verantwôordelikheid over vo 't bespeeln van de zogenoamde "klêene orgel". Twêe joar loater wierd 'n ipvolger van Remouchamps an 't hoofdorgel. Vanof 1633 verviengt 'n gedêeltelik zyn peetnoenkel Léonard de Hodémont ols kapelmêester. Omdat 'n nog te joenk was, wierd Pierre Probus êest ipvolger van Léonard de Hodémont ols kapelmêester, moa tien joar loater was Pietkin zyn ipvolger.

J' is ook nog kanunnik an de Sint-Moartensbasilieke gewêest. Zyn manuscriptn en partiteurn zyn mêestal verloorn gegoan. Der zoun nog manuscriptn/partiteurn bestoan in d' archievn van de Sint-Lambertuskathedroale en van de Sint-Walburgakerke in Oudenoarde.

Composiesjes

Messn en andere kerkmuziek

• 1668 Sacri concentus - 32 motettn, vo zangstemmn met instrumentoale begeleidienge, op. 3
• 12 messn vo 6 toet 8-stemmn
• Benedicam Dominum, vo gemiengd kôor
• Benedic, anima mea, Domino, vo gemiengd kôor
• Vulnera cor meum, vo gemiengd kôor
• O salutaris hostia uut "Le Grand livre de Choeur de Saint Lambert" - 11 motettn vo 5 toet 8 stemmn
• (Kerk-)Sonate nr. 1 à 4, vor ensemble (3 viooln [of blokfluutn], basvioole en basso continuo)
• (Kerk-)Sonate nr. 2 à 4, vor ensemble (3 viooln [of blokfluuten], basvioole en basso continuo)