Loki is de Germoansche god van 't vier. J'is de zeune van de twi reuzn Fárbauti and Laufey.

Loki was getrouwd me Sigyn, woa dat y twi zeuns by aad, Wali en Nari. By de reuzinne Angrboda aad y drie kienders, drie mounsters: Fenrir, de reuzachtigen wolf die Odin moe vermôordn ip de Ragnarök ('t ende van de weireld), Jörmungandr, de Midgardslange en Hel, de godinne van de ounderweireld woa dan de dôon zyn.

Ols god van 't vier gift y by de scheppinge de kleuren an Bifrost, de reegnboog-brugge, die Asgard en Midgard me mekoar verbiendt.

Loki, den bedrieger van de goodn

Loki is 'n bedrieger en 'n oungelooflikken intrigant. J'angt an mekoar van de listigeid, en die listigeid gebruukt y zowel vo ols teegn de goodn:

• Os Asgard geschaapn wordt, vraagn ze an een reus vo der een meur round te bouwen. Omdan ze gezeid en an die reus dan ze em mo goan betoaln ost y ip tyd greed is, verandert Loki z'n eigen in een merrie vo den iengste van de reus weg te lokkn. En deurda dien reus achter z'n peird moe zittn grakt y nie ip tyd grêed. Deurda dien iengste die merrie besprounk wer loater Sleipnir, 't achtbênige, gevleugelde peird van Odin, geboorn.
• Loki elpt Thor vo z'n amer Mjolnir were te krygn.
• Deurdat y Idunn, die vo de appels van den êeuwige jeugd van de goodn zorgt, ountvoert beginn de goodn styf rap te veroudern.
• Loki zorgt deur een list vo de dôod van Baldr (kykt by Baldr).