| Marterachtign | |||||||||
|---|---|---|---|---|---|---|---|---|---|
 | |||||||||
| Taxonomische indêlienge | |||||||||
| |||||||||
| Familie | |||||||||
| Mustelidae Fischer, 1817 |
De marterachtign (Mustelidae) vormn e familie van roofbeestn (Carnivora), woaroender wezels, fiesjows, dasn, hermelings, otters, nertsn en marters. De familie is over heel de weireld verspreid, uytgezoenderd in Australië en Antarctica, en bestoat uyt circa 56-60 verschillige soortn in 8 oenderfamilies. Ze leevn in e variëteit an biotoopn, van zee toet hooggebergtes, en van woestyne toet toendra's.
Marterachtign varieern sterk in grotte en gedrag, moa z'hèn wel enigte gemeenschappelyke kenmerkn. 't Zyn meestal kleene beestn met e langwerpig lyf, korte pootn, korte, roende oorn en e dikke vacht. De meeste marterachtign zyn solitaire, nachtbeestn en ze zyn heel 't joar deure actief. Sommigte soortn wordn gefokt of bejoagd vor hunder schone pels.
Met uytzoenderynge van de zeeotter hèn ze anale geurkliern die e sterke geure produceern vo seksuele signalerynge en markerynge van hunder territorium.