Moaldegem is een gemêente in Ôost-Vloandern, in 't nôordwestn van 't Meetjesland, met omtrent 22.000 inweuners, woavan dan der round de 12.000 in Moaldegem zelve weunn.

Moaldegem hèt as lapname "die Loyale", een name dat het kreeg ot Filips III van Moaldegem hem in 1300 onderschêdige deur trouwe te bluuvn an de graaf van Vloandern. Loater is die name deur Moaldegem zelv' overgenoomn.

Beziensweirdigheedn

't Gemêent'huus is gebouwd noa 't model van de stadhuuzn in Sint-Niklaas en Knokke. 't Wierd ing'huldigd in juni 1909.
De Sinte-Barbarakerke
De dêkeny, woavan da 't oudste dêel datèrt van de 16^e-17^e êeuwe, en een nieuwer stik van d' 18^e êeuwe.
't Oud scheepnhuus was ôorspruonkelik in 1525 gebouwd, moa wierd in 1930 gedêeltelik herbouwd.
't "Oud Stadhuus" wierd in 1653 gebouwd neffest 't oud scheepnhuus as een conciërgerie en een café, met een roadzoale vo 't scheepnhuus. De Moaldegemsche magistroat kocht het in 1644 as uitbrêdienge van 't scheepnhuus.
't Kasteel van Reesinghe, woavan da 't tegenwôordig gebouw datèrt uut 1858.
Up de vroegere stoasje Moaldegem stoat er nu een Stoomcentrum. Joarliks wordt er een Stoomfestival g'houdn.

Sinte-Barbarakerke
De Dêkeny

Toale

Omda Moaldegem in d' overgangszone tusschn Ôost- en West-Vloandern ligt, trekt under toale nog deftig up 't West-Vlams gelik da 't in Brugge gesprookn wordt.^[1]

Kernn

#	Naam	Uppervlakte (km²)	Bevolkienge (31/12/2007)
I (IV) (V)	Moaldegem -Moaldegem -Kleit -Donk	61,08	15.790 12.108 2.627 1.055
II	Adegem	27,70	5.976
III	Middelburg	5,86	607

De gemêente grenst an de volgende dêelgemêentn:

a. Sint-Laureins
b. Êeklo
c. Ôostwinkel (Zomergem)
d. Ursel (Knesseloare)
e. Knesseloare
f. Oelem (Beirnem)
g. Sysêle (Damme)
h. Moerkerke (Damme)
i. Lapscheure (Damme)

En an d' Hollandse gemêente Sluus.

Kaart

Bevolkienge

Bronnen:NIS, www.meetjesland.be en gemeente Maldegem - Opm:1806 t/m 1991=volkstellingen; 1977, 2002 en 2008=inwoneraantal op 1 januari
1977: aanhechting van Adegem en Middelburg

Verkêer

Ten nôorden van Moaldegem lopt den N49/E34 van ôost noa west. Noa 't zuudn lopt den expresweg N44 richtienge A10/E40 ter hoogte van Oalter. Ten zuudn van 't center lopt er ook den N9, den oude stêenweg van Gent noa Brugge.

Geboarn in Moaldegem

Luc Martens, polletieker

Externe koppelienge

Website van de gemêente Moaldegem

Referenjes

↑ MWB MijnWoordenBoek Moaldegems dialectwôordenboek

Ofbeeldiengn die ier by passn ku je vien in de categorie Maldegem van Wikimedia Commons.

Categorieën