Den Moezel (Duuts: Mosel, Frans: Moselle) es e zyriviere van de Reyn die deur Vrankryk, Luxemburg en Duutsland lôopt. Z'èt e lengte van 544 kilomèiters en e strôomgebied van 35.000 vierkante kilomèiter. De Moezel ountspriengt by de Col de Bussang in de Vogeezn op 735 mèiters ôogte en moundt uutendelyk by Koblenz uut in de Reyn, ip de plekke die ze in Duutsland das Deutsches Eck noem'n.

Noame

De noame "Moezel" komt van't Latynsche Mosella, e verdroaiienge van't Keltische Mosea. Mosella es e verkleynwôord van de gedêeltelyk parallel lôop'nde riviere de Moas (Mosa in't Latyn).

Strôomgebied

Zyriviern

De zyriviern van den Moezel zyn:

• in Vrankryk: de Moselotte, de Vologne, de Madon, de Meurthe, de Rupt, de Mad, de Seille, d'Orne, de Fensch en de Gander
• in Luxemburg: de Sûre ofte Sauer, de Syre en nog e hille reke kleyndere beekn
• in Duitsland: de Soar, de Sauer ofte Sûre, de Ruwer, de Kyll, de Salm, de Lieser en den Alf

Ofbeeldiengn die ier by passn ku je vien in de categorie Moselle River van Wikimedia Commons.