Pools (język polski of polszczyzna) is e West-Sloavische toale met à peu près 40 miljoen sprekers. De meêste weunn in Pooln (38,6 miljoen inweuners). Andere grôte groepn sprekers weunn in de Verênigde Stoatn en in de landn van de vroegere Sovjet-Unie (surtout Wit-Rusland, Oekraïne en Litouwn).
Alfabet
't Pools alfabet
Pools wordt geschreevn me 't Latyns alfabet. 't Pools alfabet telt 32 letters, omdat er e poar me diakritische teêkens, lik ą, ć, ę, ł, ź, anziên wordn lik aparte letters. Der wordn ook medeklienkercombinoasjes gebruukt, lik ch, dz, cz en sz.
De letters q, v en x kommn nie voôrn in 't Pools alfabet, allêene moar in sommigte lêenwoordn. 't Diakritisch teêkn ´ noemt kreska ('striptje'), de ˛ wordt ogonek ('steirtje') genoemd, en 't puntje op de żkropka ('puntje').
Uutsproake
De klemtoôn van de Poolsche woordn ligt bykan alsan ip de voôrlatste lettergrepe.
ą: in zuvere vorm lik e nasale o, lik in 't Fransbon: [ɔ̃]
e: lik de de Nederlandsche e in lek: [ɛ]
ę: in zuvere vorm lik e nasale e, lik in 't Frans vin: [ɛ̃]
i: lik de ie in die: [i]
o: lik de o in dok: [ɔ]
ó: lik de oe in toe: [u]
u: lik de ó: [u]
y: lik de Nederlandsche i in ik: [ɨ]
Achter de letters b, f, g, k, m, n, p en w drukt de i gin eign klank uut, moa je gift an dat de voôrofgoande klank palataal ('zochte') is. De lettercombinoasje ni bvb. wordt dus uutgesprookn lik nj.
