Slekkn
Verschillige sôortn slekkn
Taxonomische indêlienge
Ryk: Animalia (Bêestn) Stamme: Mollusca (Molluuskn of wêekbêestn)
Klasse
Gastropoda Georges Cuvier, 1797

Slekkn (Gastropoda, van 't Oudgrieks γαστήρ / gastếr, « buuk » en πούς / poús, « pôot », letterlik buukpôotign) vormn e klasse van de molluuskn (Mollusca). Der zyn weireldwyd 60.000 toet 75.000 verschillige sôortn bekend.

Slekkn zyn d' ênigste molluuskn die ook ip 't land leevn. De mêeste leevn in de zêe moar ook e dêel in zoet woater. De vele verschillige sôortn slekkn varieern styf in uutzicht en gedrag en doarom is 't moeilik vor algemêne kenmerkn te beschryvn vor al de Gastropoda. De mêeste slekkn droagn e spiroalvormig slekknhuus (schelpe), moa 't bestoan der ook zoender huuzetje, naktslekkn genoemd, lik de beuterslekke (Arion rufus).

Taxonomie

De taxonomie van de slekkn wordt constant herzien. By d' oudere classificoasje woarn der vier subklassn:

• Opisthobranchia (kieuwn reks en achter 't herte)
• Systellommatophora of Gymnomorpha (zoender schelpe)
• Prosobranchia (kieuwn an de vôorkant van 't herte)
• Pulmonata (met e loenge in plekke van kieuwn)

Ofbeeldiengn die ier by passn ku je vien in de categorie Gastropoda van Wikimedia Commons.