De Vosseslag is e touristische wyk in de West-Vlamsche gemêente D'n Oane. ’t Ligt ten westn van D'n Oane-centrum, ten nôordwestn van Klemskerke en ’t grenst an de kustgemêente Brèinienge en de zêe.
Volgns de legende komt de noame Vosseslag van de strandjutter Mong de Vos, die z’n noame gaf an de wyk en die in 2006 verêeuwigd is in e bronzn beeld.
Round de wyk Vosseslag ligt de golfboane van de Keuninklikke Golf Club Ostende die angeleid is in 1903. Neffest de golfboane ligt er e visvyver.
De Vosseslagfêestn is e driedoagsche volksfêeste in de moand juli in de centrumstroatn van de Vosseslag. De legende van Mong de Vos stoat centroal. D’r goat e stoet uut over de geschiedenisse van de Vosseslag en ’t leevn van Mong en ’s oavonds volgt er e fakkeltocht en zyn verbrandinge ip ’t strange.