| Skepiaedje | 21 d' octôbe 1809 |
|---|---|
| Moirt | 9 di djanvî 1871 |
| Activités | scrijheu |
Jean-Joseph Dehin a skepyî a Lidje e 1809, et-z î dhoter e 1871. C’ esteut onk des prumîs scrijheus e walon.
Di s' mestî, il esteut tchôdronî, pu ôrfeve. C' est tot-z espôzant ses ouves k' il aveut rescontré Berandjî, et fé camaeråde avou lu. Dehin si loma dayeur li «Berandjî d' Lidje».
I scrijha des ouves di totes les tires, come des tchansons, cråmignons, paskeyes et des sinnetes et des ratournaedjes des fåve da Lafontinne.
I n' les rashonna nén, apus k' ene ramexhnêye d' arimés, "Tchå et panåjhe", k' a moussî foû e 1850. C' est ci live la ki fjha si rlomêye, avou on monoloke "Apolodjeye et critike di sacwants monumints d' Lidje", sicrît e 1852.
I scrijha co po l' Årmonak da Matî Laensberg di 1851 a 1854. Et-z aidî Françwès Bailleux ratourner des fåves da Lafontinne.
I fourit dins les askepieus del SLLW e 1956, mins s’ endè rsaetcha bénrade, e moes d' octôbe 1857, dandjreus pask’ i trovéve li soce ene miete grandiveuse por lu. [1]
Ci fourit onk des meyeus fjheus d’ paskeyes di s’ tins. Dieudonné Salme djåze di lu dins Li houlot. [2]
Li Wiccionaire si rsieve di sacwantès fråzes da Jean-Joseph Dehin po-z enimådjî des mots k' i gn a.