An Sucre, nga tinatawag hin opisyal nga La Ilustre y Heróica Sucre (An Mapawa ngan Bayanihon nga Sucre), nga kilalado han una nga: Charcas, La Plata ngan Chuquisaca (nga yana amo an ngaran han departamento nga diin nahamutang an syudad) amo an kapital[1]ha konstitusyon ngan ha kaagi han Bolivia. Amo ini an lingkoranan han Corte Suprema de Justicia, han Tribunal Constitucional, han Consejo de la Judicatura ngan han Fiscalía General han República.[2] Dinhi liwat nahamutang an lingkoranan han Tribunal Agrario Nacional ngan han Asamblea Constituyente, amo liwat ini an kapital han departamento han Chuquisaca. An syudad mayda populasyon nga mga 230.000 ka molupyo ngan mabibilgnan ini ha butnga nga dapit ha salatan han nasod hin kahitaas nga 2800 ka metros. Tinatawag liwat ini nga La Ciudad Blanca (An Busag nga Syudad).
An syudad iginngaran ha dungog ni Antonio José de Sucre, usa han mga nasodnon nga bayani han Bolivia.
An Sucre tinatawag nga La Ciudad Blanca nga buot sidngnon an "An Busag nga Syudad". Tinatawag liwat ini nga "An Syudad han Upat nga Ngaran". An tagsa ngaran narepresenta hin ispisipiko nga panahon han kaagi han syudad.
![]() |
An Wikimedia Commons mayda media nga nahahanungod han: Sucre, Bolivia |