De germanischn Sprochn (dt.: germanische Sprachen) ghean zu de indogermanischn Sprochn. Se umfossn uma 15 Sprochn mid uma 500 Milliona Muadasprochlan, iwa 700 Milliona wann ma de Zwoatsprecha midzejd. A Bsundaheit vo de germanischn Sprochn gengiwa de indogermanischn Sprochn san de Vaändarunga vo de Konsonantn duach de Germanische Lautvaschiabung (Easchde Lautvaschiabung).

De großn germanischn Sprochn

De zwoa Haptsprochn san:

• Deitsch wead vo eppa 100 Mio. Muadasprochlan und mindastns 80 Mio. Zwoatsprechan gredd
• Englisch is de germanische Sproch mid dena meisdn Sprecha, mid eppa 340 Mio. Muadasprochlan und iwa 180 Mio. Zwoat- und Drittsprechan.

Weidane germanische Sprochn san:

• Afrikaans (6 Mio., mid Zwoatsprechan 16 Mio.)
• Boarisch (12 Mio.)
• Dänisch (5,5 Mio.)
• Jiddisch (3 Mio.)
• Niedadeitsch (uma 5 Mio. Easchd- und Zwoatsprecha)
• Holländisch (22 Mio.)
• Norwegisch (5 Mio.) (Bokmål und Nynorsk)
• Schwedisch (9 Mio.)

Gliadarung

De germanischn Sprochn wean in da Regl in West-, Noad- und Ostgermanisch eihteid. De Sprochgrenz zwischn Noad- und Westgermanisch wead heit duach de deitsch-dänische Grenz markiad. Innahoib vo de zwoa großn Sprochgruppm gibds fliassande Iwagäng duach regionoie Dialekte.

• Westgermanische Sprochn

Deitsch, Jiddisch, Luxnbuagisch, Niedadeitsch, Pennsylvanisch, Holländisch, Afrikaans, Englisch und Friesisch.

• Noadgermanische Sprochn

Schwedisch, Dänisch, Norwegisch, Färöisch und Isländisch.

• Ostgermanische Sprochn

De ostgermanischn Sprochn san komplett ausgstorm. Dovo om besdn dahoidn is's Gotische.

Im Netz

• Ernst Kausen, De Klassifikation vom Indogermanischn (DOC)
• Ernst Kausen, Germanische Wortgleichungen. (DOC)
• Germanisch-deitsche Sprochgschicht