Un drobarzhell^[1], pe c'hoazh un adstramm pe ur beriferell^[2] eo anv kement ardivink a c'hell bezañ kevreet ouzh un urzhiataer ha sturiet gantañ a-benn kreskiñ e varregezhioù. Peurvuiañ e ranker kaout ur stur trobarzhell, eleze ur meziant arbennik staliet war an urzhiataer hag a c'hall mont en-dro gant ar reizhiad korvoiñ azas, da sturiañ pep trobarzhell.

Ar seurtoù trobarzhelloù

Hervez an doare d'o staliañ

Trobarzhelloù diavaez ha diabarzh a zo. An trobarzhelloù diavaez zo ardivinkoù a vez luget ouzh an urzhiataerioù, dre ur porzh USB peurliesañ. An trobarzelloù diabarzh avat zo staliet e diabarzh an urzhiataerioù. E-mesk an trobarzhelloù diavaez emañ da skouer : ar voullerez, ar skanner, al logodenn, ar c'hlaouier, ar savenn liesarc'hwel bureveg, an unvez gwereañ, ar c'hamera, ar mikro, ha kement 'zo... E-touez an trobarzhelloù diabarzh emañ : ar gartenn rouedad, ar gartenn kevregañ, ar porzh USB, ha kement 'zo...

Hervez o implij

Trobarzhelloù enkerzh

A-drugarez dezhe e c'haller bouetañ an urzhiataerioù gant ditouroù ha reiñ urzhioù dezhe.

• 
  Klaouier
• 
  Dornell (Joypad)
• 
  Joystick

Trobarzhelloù bukañ

• 
  Logodenn
• 
  Trackball
• 
  Tablezenn c'hrafek

Roadennoù niverel

• 
  Skanner
• 
  Kameskop niverel
• 
  luc'hskeudennerez niverel
• 
  Webcam

Roadennoù son

• 
  Uhelgomzerioù

Trobarzhelloù ezkerzh

A-drugarez dezhe e c'heller gwelout ha klevout restroù.

• 
  Diskweler
• 
  Moullerez
• 
  uhelgomzerioù
• 
  lugell skinwel

Trobarzhelloù mont-dont

• 
  Lenner kasedigoù
• 
  Lenner disketennoù
• 
  Lenner DVD-ROM pe CDrom
• 
  Lenner ZIP
• 
  Modem
• 
  skramm stekiñ
• 
  kartenn rouedad

Trobarzhelloù sanailhañ

• 
  Lenner ZIP
• 
  alc'hwez USB (memor flash lem-laka)

Emdroadur ster ar ger trobarzhell

Kent donedigezh an urzhiataerioù hiniennel, forzh peseurt ardivink luget ouzhpenn an teir elfenn diazez — ar gartenn vamm, ar c'hewerier hag ar memor labour (RAM, ROM, ha kement zo) — a veze sellet outañ evel un drobarzhell. Implij ledanoc'h-ledanañ an urzhiaterioù hiniennel en deus cheñchet termenadur an ardivinkoù diazez a ranker da gaout ha bremañ ne vez ket sellet ken ouzh ar c'hlaouieroù, an diskwelerioù, hag ouzh al logodennoù evel trobarzhelloù peurliesañ.

Notennoù