A Autoestrada Central Galega é unha vía de altas prestacións que interconecta entre Santiago de Compostela (AP-9) e o Alto de Santo Domingo (Dozón) e é coñecida como AP-53, de peaxe e dependente do Ministerio de Fomento.

A finalidade da autoestrada é desconxestionar a saturada N-525. Entre xullo e agosto do 2008 a AP-53 acadou unha media de 6.000 vehículos diarios^[1], mentres que a AG-53 acadou os 9.000 vehículos diarios^[2] ós oito meses da súa posta en servizo.

O proxecto da autoestrada iniciouse baixo o mandato na Xunta de Manuel Fraga e con Xosé Cuíña como conselleiro de Política Territorial. A idea é unha autoestrada de peaxe de competencia estatal para unir Santiago e Ourense. Así en outubro de 1999 adxudícase a obra da AP-53 a unha agrupación de trece empresas e o dereito para a concesionaria, ACEGA, de cobrar peaxe durante 75 anos (ata ó 2074). Para a construción a Xunta tivo que achegar 60 millóns de euros a fondo perdido, mentres que Fomento fixo un préstamo doutros 60 millóns e a concesionaria achegou 162 millóns. A construción levouse a cabo por treitos:

Os primeiros treitos foron inaugurados polo seguinte orde: o treito Santiago de Compostela - Silleda foi inaugurado en decembro de 2002,^[3] o treito Silleda - Lalín Leste foi posto en servizo en decembro de 2003^[4] e o treito Lalín Leste - Alto de Santo Domingo (Dozón) foi posto en servizo en xuño de 2004.^[5]

O treito de autoestrada xestionado por ACEGA (Autoestrada Central Galega C.E.S.A.) consta de dúas estacións semitroncais de peaxe (en Vedra e Ponte) e tres accesos (Ribadulla, A Bandeira e Ponte, Silleda). Os tres accesos de Lalín son libres de peaxe, facendo así de circunvalación exterior da vila, tamén está libre de pago o semienlace de Dozón.

O traxecto dende Santiago ata Dozón cóbrase a 6,15 € para turismos e a 8,65 € para camións tras continuas subidas dende a súa posta en servizo cando custaba 4,60 €. Estes altos prezos fan que sexa moi pouco utilizada por camións, que seguen a circular pola N-525 durante o treito de pago.

O problema da peaxe está en parte xerado pola gratuidade da autoestrada dende Lalín a Dozón, o que produce que se cobre a viaxe completa ata Dozón aínda que se saia na primeira saída de Lalín, 15 km de diferenza.

Alberto Núñez Feijóo prometeu durante a campaña electoral de 2009 rebaixar a peaxe, pero unha vez no goberno, supeditou a redución do prezo ao traspaso da autoestrada por parte de Fomento á Xunta^[6]

• Viaduto do Ulla, de 700 m de lonxitude e altura de ata 65 m.

número de saída	nome da saída	estrada coa que liga
	Santiago de Compostela - Boqueixón - Vedra A Coruña - Vigo A Estrada - Teo	N-525   AP-9   AC-841
2	A Estrada - Cacheiras	AG-59
Sentido Santiago	Peaxe de Vedra
15	Ponte Ulla - Pontevea A Estrada	AC-241   CP-8902
24	A Bandeira - Chapa A Estrada - Caldas de Reis	N-525   N-640
	Área de Servizo de Silleda
33	Silleda Vila de Cruces Forcarei	N-525    PO-205    PO-2205
Sentido Ourense	Peaxe de Silleda
41	Lalín Oeste - Polígono industrial Lalín 2000 Lugo	N-525   N-640
46	Lalín Centro - Polígono industrial de Botos Forcarei Chantada O Irixo	N-525   PO-534   PO-533   PO-902
50	Lalín Leste	N-525
56 (Só en sentido Ourense)	Dozón	N-525
	Fin da AP-53, pasa a ser AG-53	AG-53

• AP-9

• Acega, concesionaria da AP-53

v c e Rede de Estradas do Estado en Galicia
Rede interurbana	Autoestradas e autovías  A-52   AP-53   A-54   A-55   A-6   A-75   A-8   AP-9  Nacionais  N-120   N-525   N-532   N-536   N-540   N-541   N-542   N-544   N-547   N-550   N-551   N-552   N-554   N-555   N-556   N-559   N-VI   N-634   N-640   N-642   N-651   N-655
Rede urbana	A Coruña  AC-10   AC-11   AC-12   AC-13   AC-14   AC-15   V-18  Ferrol  FE-11   FE-12   FE-13   FE-14   FE-15  Lugo  LU-11  Ourense  OU-11  Pontevedra  PO-10   PO-11   PO-12  Santiago de Compostela  SC-11   SC-20   SC-21  Vigo  VG-20