Moreira
Igrexa de San Martiño de Moreira
Concello	Ponteareas[1]
Provincia	Pontevedra
Coordenadas	42°09′00″N 8°30′30″O / 42.15009836, -8.50822412Coordenadas: 42°09′00″N 8°30′30″O / 42.15009836, -8.50822412
Poboación	709 hab. (2022)
Entidades de poboación	18[1]
[ editar datos en Wikidata ]

San Martiño de Moreira é unha parroquia que se localiza no concello de Ponteareas. Segundo o IGE,^[2] en 2022 tiña 709 habitantes (351 homes e 358 mulleres), distribuídos en 13 entidades de poboación.

A parroquia limita con Salvaterra de Miño e está a dous quilómetros de Ponteareas e a catorce quilómetros de Portugal, ten un enlace coa autovía A-52 Ourense-Vigo.

Está bañada polo río Tea e conta cunha zona recreativa.

Ten algunhas industrias: cristalería, fábrica de mobles rústicos e outra de mobles de cociña, taller mecánico, serradoiro de pedra e fábrica de madeira.

Celébranse dúas festas importantes no ano: a finais de agosto a Virxe da Consolación e a mediados de novembro a do patrón, San Martiño.

• Cruceiro de Moreira: situado no torreiro, próximo á Igrexa, no barrio de Vilanova, Ten catro escalinatas de pedra e unha base cadrada coa inscrición: " EN 1875 AL RDO ABAD D.M. M Rº". O fuste é cilíndrico e vai rematado nun colar con decoración de sogueado que dá paso ao chapitel de estilo clásico con adobíos de follas de acanto e volutas nas esquinas, caras de anxos no centro e rematado en ábaco curvilíneo. A cruz é latina, de sección cilíndrica e con nós imitando as pólas dunha árbore e con cartela de INRI. No anverso aparece un cristo cunha anatomía moi marcada. No reverso a virxe co fillo no colo.
• Ponte das Partidas, ponte medieval sobre o río Tea.
• Igrexa de San Martiño.

• 
  Hórreo.
• 
  Ponte das Partidas.
• 
  Cruceiro da Igrexa de San Martiño.
• 
  Igrexa de San Martiño

• Lugares de Ponteareas

• O bautizo prenatal na ponte de Moreira (Ponteareas)