Pobo aleutiano | |
---|---|
Muller aleutiana co seu cativo, Illa de Attu, 1941. | |
Poboación | |
Poboación total: 20 000 | |
Rexións principais: | |
Estados Unidos | 19 282 (2010)[1] |
Rusia | 482 (2010)[2] |
Aspectos culturais | |
Lingua | Lingua aleutiana,[3] inglés e ruso |
Relixión | animismo |
Grupos relacionados | Inuit, iupik e sirenik |
Os aleutianos[4] (en ruso: Алеу́ты, Aleut'y), que na súa propia lingua son coñecidos como Unangax̂ ("pobo", Unangan en singular), son un pobo indíxena das Illas Aleutianas.
Tanto o pobo como as illas están divididos entre Alasca, nos Estados Unidos de América e o Krai de Kamchatka, en Rusia.
Malia que o inglés e o ruso son as linguas dominantes faladas polos aleutianos, a lingua aleutiana aínda é falada por unhas 150 persoas nos Estados Unidos e por 5 persoas en Rusia.[3] A lingua pertence á familia de linguas esquimó-aleutianas e inclúe tres dialectos: o oriental, o atkan, falado nas illas de Atka e Bering; e o extinto da illa de Attu. As illas Pribilof son as que maior número de falantes activos teñen.
O aleutiano escribiuse en alfabeto cirílico dende 1829. A partir de 1870, a lingua foi escrita en alfabeto latino. Foron publicados un dicionario e unha gramática en lingua aleutiana, e algunhas partes da Biblia tamén foron traducidas.[3]