Qirol yoki Qirolicha — qirollik boshligʻi; davlat hukmdorining unvoni. Oʻrta asrlarda ayrim Gʻarbiy Yevropa davlatlaridagi mutlaq hukmdor.
Qirol soʻzi „korol“ soʻzining oʻzgargan varianti hisoblanadi. Taxminlarga koʻra, asli Buyuk Karl nomidan olingan.
Hozirda qirollar rasman davlat boshligʻi hisoblansalarda, mamlakatni bevosita idora etish parlament va ijroiya hukumati qoʻliga oʻtgan. Masalan, Angliyada qirol Georg 1 davridan (1714 yildan) boshlab qirollar mamlakatni idora etish ishlariga bevosita aralashmaydi.
Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |