Po des linwincieusès racsegnes sol mot "Badjimont", alez s' vey sol Wiccionaire

Badjimont (fr: Bagimont) est èn ancyin ptit ban del Walonreye, e payis tchampnwès, rebané avou Vresse et k’ a don passé del province do Lussimbork al province di Nameur.

Mwaissès dnêyes

Etimolodjeye

Loukîz a : «Badjimont»

Nos d' plaeces

Aiwes

On dit ki, po les gotires di l’ eglijhe, ene moenne l’ aiwe so Smwès, l’ ôte so Mouze.

Istwere

Å 13inme sieke Badjimont est on d' Orcîmont pol viyaedje et di Bôhan pol bwès d’ Hamintchnoe. Passe par après å Signeur Bois de Fiennes djusk’ al revolucion.

Tuzance walone

Studiaedjes da Haust

Badjimont est li seu pont sol payis tchampnwès d' Beldjike; i n' a nén stî studyî påzès inketes diyalectolodjikes da Jean Haust.

Li pwaire di Badjimont

Dijhêye foirt kinoxhowe des boeveus d’ gote, ki n’ tchictént waire a boere 3 gotes putoit k’ deus. Did la, li lomaedje pwaire di Badjimont, ki c' esteut, å cmince, on manaedje d' ene feme et deus omes.