Glaireuse (k' est scrît sifwaitmint e francès), c' esteut on hamtea d' Viyance, asteure on viyaedje do Grand Libin.
C' est ddja on gros hamea, la k' gn a-st ene eglijhe. Ele n' a stî fwaite ki sol tård. Did la, li tchanson des vepes di Glaireuse.
I sont studyîs spepieuzmint so ene pådje tote seule.
L' aiwe di Lesse fwait limotche avou Anloe.
So li dzeu do viyaedje, gn a des troufreyes (li minme sitindêye ki les cenes di Libin et d' Ôtchamp), la k' on-z a saetchî al troufe disk' al guere di 40[2]
Li 22 d' awousse 1914 (batreye di Maissin del guere 14-18), gn a yeu des måjhons d' broûlêyes pås Almands, et des djins d' touwêyes.
C' est la k' on-z a rashonné les prijhnîs d' Anloe et d' ôte pårt li 23, divant d' les fé saetchî les tcheretes ås coixhîs disk' a Libråmont.[3]