D Aipytide (altgriech. Αἰπυτίδαι) sind s Gschlecht vo de Könige vo Messenie gsii. Si hend sich as Noofaare vom Herakles aglueget. De Stammbomm und d Taate vo de Aipytide hett de Pausanias i sinnere Bischriibig vo Messenie öberliferet. Debii sind di erste Vertretter saagehaft, die spöötere mee oder weniger historisch.
De Name hend d Aipytide vom Aipytos, em Soo vom Herakleid Kresphontes öberchoo. Sii Urgroossvatter uf de müetterliche Sitte isch de arkadischi König Aipytos.
D Historizitäät vo dene Aipytide isch i de Forschig umstritte. Daate vo de Liste sind die, wo de Pausanias agitt, noch de moderne Forschig müend die aber um rund vierzg Joor spööter agsetzt were.
D Noofaare vom Androkles, em Soo vom Phintas, sind oo Androkleide (altgriech. Ἀνδροκλείδαι) gnennt wore: