D Marwainzi („die Dunkle“) sind e luwischi Göttergruppe, wo de Gott Sanda biglaitet. Bi de Hethiter hend si Markuwaya und bi de Lydier Mariwda ghaisse. Die drai Näme chönnt uf uranatolisch *marguaya- ‘dunkel’ zruggfüert were.^[1] D Funktion vo dere Gruppe isch nöd bikannt. Si chömet zäme mitem Pestgott Iyarri Süüneopfer öber, demit e Pest im hethitische Heer en End nemi.^[2]

I de neohethitische Zitt wered si zäme mitem Sanda dromm bette, e Graab z schütze.^[3] En anderi Inschrift us dere Zitt bizaichnet d Gotthait Nikarawa as „marwanisch“, so as die woll zo dere Gruppe ghöre törst.

Di hethitische Markuwaya wered imene Ritual vom Schutzgott gnennt^[4]. Di lydische Mariwda werden zäme mit em Śãnta und de Kufaw dromm bete, e Grab z schütze.

Einzelnachweise

1. ↑ Alwin Kloekhorst: The Hittite Inherited Lexicon. S. 640, 650f.
2. ↑ Volkert Haas: Geschichte der hethitischen Religion. HdO 1,15 (1994). S. 369
3. ↑ Manfred Hutter: Aspects of Luwian Religion. In: H. Craig Melchert (Hrsg.): The Luwians (= Handbuch der Orientalistik. Band 1,68). Brill, Leiden 2003, ISBN 90-04-13009-8, S. 228f.
4. ↑ Alfonso Archi: The Heptad in Anatolia. In: Hethitica XVI, 21–24.

Literatur

• Volkert Haas: Geschichte der hethitischen Religion (= Handbuch der Orientalistik, Band 1,15). Brill, Leiden 1994, ISBN 978-9-004-09799-5.