De Tiwad (Nominativ: Tiwaz) isch de luwischi Sunegott.
De Tiwad isch de alti ererbti indoeuropäischi männlichi Sunegott, wääred d Hethiter de dör die hattischi Sunegöttin vo Arinna ersetzt hend. Dargstellt werd er as e Maa mit ere Flögelsune öberem Chopf, zäme mitem Moogott Arma. Mengisch werd er „Vater Tiwad“ (luw.: tādi Tiwad) gnennt. Er wacht au öber Aid. Zäme mit de Kamrusipa het er e Soo, de Schutzgott vo Taurisa.