Meggebeire (dt. Meckenbeuren) isch e Gmond im Bodeseekrais z Bade-Wirtteberg. D Gmond hot 13.807 Iiwohner (Stand: 31. Dezember 2022).
Geografi
Meggebeire liit rund acht Kilometer nerdlich vo Friedrichshafe im untere Schussedal. Dr Bann bstoht us 61,7 % Landwirtschaftsfleche, 16,9 % Wald, 19,7 % Sidlungsflechi un 1,6 % sunschtiger Flechi.[2]
Gmondsgliiderig
Zue Meggebeire ghere nebem Kernort Meggebeire de Ortsdoal Obermeckenbeuren (seit 1810), di 1937 iigmondete Ortsdoal Brochenzell un Liebenau (mit de Wiiler Brugg, Hegenberg, Hirschach, Knellesberg, Langentrog, Schwarzenbach, Senglingen un Weiler, de Hef Berg, Buch, Furt, Hasenwinkel, Hohenreute, Holzbauer, Hungersberg, Kratzerach, Laufenen, Lohner, Madenreute, Mühlebach, Ottmarsreute, Rebholz, Regler, Reuter, Sandgrub, Stengele, Straß, Untertennenmoos un d iiser Habacht) un d 1972 iigmondet Ortschaft Käala, dt. Kehlen, (mit de Derfer Käala un Reute, de Wiiler Buch, Gerbertshaus, Gunzenhaus, Holzreute, Lochbrücke, Sammletshofen, Sassen, Schürten, Schuppenwies, Sibratshaus un Siglishofen, de Hef Großbuch, Hechelfurt un Schindelhof un de Hiiser Schübelbeer).
Gschicht
Meggebeire isch zum erschte Mol in ere Urkund vom 4. Auguscht 1278 als Meckenburron gnennt wore, wo de Papscht Nikolaus III. fir de Abt vum Kloschte Waegaade, de Hermann von Bichtenweiler, uusgstellt hot.
Verwaltig
Meggebeire ghert zue kainere Verwaltigsgmainschaft.
Burgermoschter vo Meggebeire:
- 1971–1985: Siegfried Tann (CDU)
- 1985–2010: Roland Karl Weiß (Freie Wähler)
- 2010–2018: Andreas Schmid (CDU)
- 2018–2022: Elisabeth Kugel (Freie Wähler)
- siit 2022: Georg Schellinger (CDU)
Dialekt
Dr Dialäkt vu Meggebeire ghert zum Bodeseealemannisch.
