Andreu | |
---|---|
Sant Andreu apóstol | |
Orichen | Griego |
Chenero | Masculín |
Santoral | 30 de noviembre |
Significau | Hombre viril |
Zona | Cristianismo |
Articlos en Biquipedia | Todas as pachinas que prencipian por Andreu |
Andreu[1] ye un antroponimo d'orichen griego que deriva de ανήρ (anēr), chenitivo ανδρός (andrós), que significa "hombre", "de sexo masclo" (a diferencia de άνθρωπος, ánthropos, ανθρώπου, anthrópou que significa tamién "hombre", pero con o sentito de ser humán); ανήρ puet estar relacionata con a radiz indoeuropea ner que significa hombre, fuerza vital.[2] Puet interpretar-se como "hombre viril", "hombre fuerte", "hombre valient".
Como parola patrimonial y con femenín regular a suya forma femenina ye Andreua u Andreva.[1][3]
S'ha puesto documentar a forma femenina Andreya en aragonés teruelano.[4] Bi ha indicios que ye una hipercorrección, porque en o mesmo libro veyemos Mareya ("María"). En caso de pronunciar-se realment a -y- epentetica, no se representa en a ortografía actual proposata por l'Academia de l'Aragonés, por no succedir a una vocal -d-, -g- latina desapareixita, habendo-se d'escribir Andrea, (como por un regular s'escribe en textos medievals esta variant d'Andreua).