Bloavezhioù: 6 - 7 - 8 - 9 - 10 - 11 - 12
Dekvedoù: -20 -10 - Bloavezhioù 0 - 10 20
Kantvedoù: I^añ kantved kt JK - I^añ kantved - Eil kantved
Milvedoù: I^añ milved kt JK - I^añ milved - Eil milved

Diwar-benn bloaz 9 an deiziadur juluan eo ar bajenn-mañ
Evit ar bloaz -9, gwelet ar bajenn :	-9
Evit an niver 9, gwelet ar bajenn :	9 (niver)

762 AUC (Ab Urbe Condita = goude diazez Kêr-Roma) = 9 goude ganedigezh J.-K.

Istor : Echuet an Istorioù fulupek gant ar galian Trog Pompeia, anezho ar skridoù latin kentañ o tezrevelliñ istor ar bed.

Darvoudoù

Impalaer : Aogust (Caius Julius Caesar Octavianus),
Koñsuled : Gaius Poppaeus Sabinus, Quintus Sulpicius Camerinus. Suffex : Marcus Papius Mutilus ha Quintus Poppaeus Secundus
Votet eo al lezenn lex Papia Poppaea a-enep an dud dizimez hag ar c'houbladoù difrouezh evit lakaat kreskiñ niver an euredoù.
Diaes e teu stad armerzhel an Impalaeriezh roman da vezañ goude emsavadeg an Danav (6) ha c'hwitadenn Varus. Ret eo soñjal sevel tailhoù nevez : un ugentvedenn war an hêrezhioù hag ur gantvedenn war ar gwerzhioù.
Marcus Ambibulus, prokulor Jude, Samaria hag Edom (9-12).
Harluet eo Ovidius da Domis.
Illiria : war-lerc'h flastradeg an emsavadeg e teu ar vro da vezañ ur broviñs roman.
Pannonia (Hungaria hiziv) : Sujet da vat da Roma, dont a ra da vezañ ur broviñs roman.

Germania :

Trec'h eo ar penn german Arminius war teir lejion roman Varus en emgann Teutoburg. Dont a ra ar stêr Roen da vezañ ar vevenn nevez etre ar bed roman hag ar bed german. Kaset eo al lejionoù Legio II Augusta, Legio XX Valeria, ha Legio XIII Gemina da C'hermania evit kemer lec'h al lejion Legio XIX hag ar re all bet freuzet en emgann. Bomm brudet Aogust ("Varus, distro ma lejionoù din !").

10 Genver : Diskar a ra Wang Mang an dierniezh Han er galloud abaoe daou gantved ha krouiñ a ra un dierniezh berrbad : an dierniezh Xin (fin e 25).
Dre zekred an Impalaer eo difennet ober kenwerzh ar sklaved
Nullet eo perc'henniezh prevez an douaroù gant Wang Mang.