Bubri
Chapel Sant Iwan.
Anv gallek (ofisiel)	Bubry
Bro istorel	Bro-Gwened
Melestradurezh
Departamant	Mor-Bihan
Arondisamant	an Oriant
Kanton	Gwidel
Kod kumun	56026
Kod post	56310
Maer Amzer gefridi	Roger Thomazo 2014-2026
Etrekumuniezh	An Oriant tolpad-kêrioù
Bro velestradurel	Bro an Oriant
Lec'hienn web	(fr)Bubri e K.K. Ploue
Poblañsouriezh
Poblañs	2 289 ann. (2020)[1]
Stankter	33 ann./km²
Douaroniezh
Daveennoù lec'hiañ	47° 57′ 52″ Norzh 3° 10′ 19″ Kornôg / 47.9644444444, -3.17194444444
Uhelderioù	kreiz-kêr : 100 m bihanañ 40 m — brasañ 177 m
Gorread	69,09 km²
Bubri
kemmañ

Bubri a zo ur gumun eus Breizh e kanton Gwidel e departamant ar Mor-Bihan. Ur gumun ag ar Vro Pourlet (bro ar Gemene) eo Bubri.

Douaroniezh

• War lez ar Sar emañ ar gumun.

Anv

• Stummoù kozh : "Beubri, Bubri, 1282; Boubry, 1284; Boubry, 1294; Beubry, 1332; Biubry, 1345; Beaubry, 1354; Beubri, 1387; Buibri, 1453; Beubry, 1516; Bubric, 1630"^[2]

Ardamezioù

Istor

• Ur barrez eus eskopti Gwened e oaBubri.

Dispac'h Gall

• Melestradurezh: krouet e voe kumun Bubri e 1790. Gant al lezenn eus an 23 a viz Eost 1790 e voe lakaet Bubri da benn ur c'hanton, hini Bubri; teir c'humun a oa ennañ: Bubri, An Ignel ha Kistinid, e Bann Henbont e oa. Diskaret e voe Kanton Bubri gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix. Lakaet e voe kumun Bubri e Kanton Ploue bet miret ha brasaet e 1801 gant an hevelep lezenn. Lakaet e oa bet en Arondisamant an Oriant bet krouet e 1800^[3],[4].

XX^vet kantved

Brezel-bed kentañ

• Mervel a reas 253 gwaz eus ar gumun abalamour d'ar brezel, da lavaret eo 5,93 % eus he foblañs e 1911^[5].

Eil brezel-bed

• 1944, ti-post: taget e voe an ti-post e miz Ebrel 1944 ha laeret 350 000 Lur; tud ar Rezistañs a dapas 321 700 Lur d'ar 15 a viz Mae ha 27 250 Lur d'an 23 a viz Mae^[6].
• 1944, tud harzet: d'ar 7 a viz C'hwevrer, feldjandarmed, harpet gant ar Bezen Perrot (e-touez anezho Ange Péresse, gendidik a Bubri) gant ar strollad Guy Vissault de Coëtlogon (e-touez anezho Joseph Le Ruyet, a orin eus Bubri) o doa harzet 17 rezistant e Baod, Bubri, Kamorzh ha Kistinid. Meur ag ezel eus ar Rezistañs, gant Pierre Mourisset, archer, Jean Jamet, letanant en archeriezh bet ganet e Lannejenn ha Mathieu Donnart, penn an Armée secrète e Penn-ar-Bed en o mesk a voe harzet gant feldarcherion alaman e Bubri d'ar 27 a viz Even 1944 ha bac'het ha jahinet en un adsavadur eus Lise Pondi. Fuzuilhet e voe an hini kentañ e Bizhui-an-Dour d'an 18 a viz Gouere, hag an daou all e Pluniav d'an 18 a viz Gouere^[7],[8].
• 1945: d'ar 16 a viz Mae e voe kavet korf un den eus ar gumun, ezel eus ar Rezistañs, bet boureviet, lazhet ha mañsonet d'an 13 a viz Gouere 1944 gant al lu alaman e kreñvlec'h Pentevr e Sant-Pêr-Kiberen^[9].
• Mervel a reas 41 den ag ar gumun abalamour d'ar brezel^[5].

Brezel Korea

• Mervel a reas ur milour^[5].

Brezelioù didrevadennañ

Brezel Indez-Sina

• Mervel a reas pemp milour^[5].

Brezel Aljeria

• Mervel a reas tri milour^[5].

Monumantoù ha traoù heverk

• 
  Ar monumant.

• Monumant ar re varv e-tal an iliz katolik, luc’hskeudenn ha kartenn-bost^[10]. Dioueliet e voe d’an 11 a viz Du 1923^[11].
• Monumant ar Rezistanted bet lazhet d’ar 26 a viz Gouhere 1944, luc’hskeudenn^[12].

Kastellioù ha manerioù

• Kastell Kernivinen, XIX^vet kantvlead.
• Kastell Brule, XVI^vet kantvlead; kastell distrujet.
• Maner Koed Dikel, XVII^vet kantvlead; koulmer savet e 1739 ; chapelig da Santez Anna.
• Maner Peroz, XVIII^vet kantvlead ; chapel distrujet.
• Maner Kerali, 1702.

Iliz ha chapelioù katolik

• Iliz ar barrez Sant Pêr ha Sant Paol; iliz savet etre fin an XVIII^vet kantvlead hag an XIX^vet kantvlead.
• Chapel Intron Varia ar Salet, 1855.
• Chapel Sant Armel, 1879.
• Chapel Sant Herve, 1877.
• Chapel Sant Tremeur, XVIII^vet kantvlead.
• Chapel Sant Ewan, chapel savet e 1589.
• Chapel Sant Klamañs, XVIII^vet pe XIX^vet kantvlead ; skrivet eo 1844 àrnezhi.
• Chapel Sant Wennael, XVIII^vet kantvlead.
• Chapel Santez Elen, savet e 1737.

Emdroadur ar boblañs abaoe 1793

Melestradurezh

Tud

Ardamezeg ar familhoù

	Baellec, Aotrounez Kerlezhoarn	En argant e erez dispak en glazur
	de Baud Aotrounez Kernivinen	En glazur e zek hanochenn en aour, 4, 3, 2, 1
	de Bruslé, de Brusly Aotrounez al lerc'h	En glazur e sparfell en argant grizilhonek en aour
	Guiller Aotrounez Coëdiguel	En aour e sourd en sabel o tislonkañ flammoù en gul

Krennlavar

Sed ur c'hrennlavar diwar-benn merc'hed ar vro:

Ur plac'h a Vubri

N'eus ket na toull na torr enni.

Hervez lod e tiskouez e oa fur merc'hed Bubri. Hervez lod all e vije un dave d'an dilhad giz ar vro, gant ur c'hoari diwar-benn ar ster kuzh.

Gevelladurioù

• Maigh Chromtha  Iwerzhon
• Marcallo con Casone  Italia

Liammoù diavaez

• (br) Bubri war lec'hienn Geobreizh

Levrlennadur

Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014

Daveoù ha notennoù