Kamorzh
Porzh-houarn Lambel-Kamorzh.
Anv gallek (ofisiel)	Camors
Bro istorel	Bro-Gwened
Melestradurezh
Departamant	Mor-Bihan
Arondisamant	an Oriant
Kanton	Pleuwigner
Kod kumun	56031
Kod post	56330
Maer Amzer gefridi	Claude Jarno 2014-2026
Etrekumuniezh	An Alre Kiberen Douar Atlantel
Bro velestradurel	Bro an Alre
Lec'hienn web	(fr)www.camors56.com
Poblañsouriezh
Poblañs	3 083 ann. (2020)[1]
Stankter	83 ann./km²
Douaroniezh
Daveennoù lec'hiañ	47° 50′ 55″ Norzh 2° 59′ 59″ Kornôg / 47.8486111111, -2.99972222222
Uhelderioù	kreiz-kêr : 104 m bihanañ 27 m — brasañ 137 m
Gorread	37,09 km²
Kamorzh
kemmañ

Kamorzh a zo ur gumun eus Breizh e kanton Pleuwigner e departamant ar Mor-Bihan.

Douaroniezh

Anv

• Erwan Vallerie ː Camor, 1204; Kemorz, 1228, 1250; Quemorz, Quemors, 1286; Kemortz, 1288; Camorz, 1387; Kermorz, 1439; Camor, 1516; Camorch, 1553, 1554; Camortz, 1630^[2]

Gerdarzh

• Hervez Hervé Abalain ː mourz, e gwenedeg ː gleb, fank; ha car / ker ː kêriadenn^[3].

Ardamezioù

Palefarzet : ouzh 1, en argant e deir moualc'henn en sabel, e gab en gul karget gant teir pempdiliaouenn en argant, hag a zo Lannuon; ouzh 2, en sabel e seizh mailhenn en argant, 3, 3, 1, ha a zo Aradon; ouzh 3, en gul e nav bezantenn en aour, 3, 3, 3, hag a zo Malastred; ouzh 4, en aour e deir treustell kommek en glazur, e gab en gul, hag a zo Langueouez; e greiz holl, goudreustellet etre argant ha glazur a zek pezh, teir gebrenn en gul (ar c'hentañ krennet), balirant, hag a zo la Rochefoucault.

Aozerien ː Ao. de Roche hag It. Méeus^[4]

Istor

Dispac'h Gall

• Melestradurezh: krouet e voe ar gumun e 1790. Gant al lezenn eus an 23 a viz Eost 1790 e voe lakaet e kanton Pleuwigner; e Bann an Alre e oa; miret ha brasaet e voe kanton Pleuwigner e 1801 gant al lezenn eus an 8 pluviôse an IX (28 a viz Genver 1801), dezhi an titl loi portant réduction du nombre de justices de paix; lakaet e voe Kamorzh en Arondisamant an Oriant bet krouet e 1800^[5],[6].

XX^vet kantved

Brezel-bed kentañ

• Mervel a reas 142 waz eus ar gumun abalamour d'ar brezel, eleze 5,06 % eus he foblañs e 1911^[7].
• Fuzuilhet e voe ur milour breizhat bet o vevañ er gumun gant al lu gall d'an 13 a viz Mae 1915^[8].

Eil brezel-bed

• 1944, tud harzet: d'ar 7 a viz C'hwevrer, feldjandarmed, harpet gant ar Bezen Perrot (e-touez anezho Ange Péresse, genidik a Bubri) gant ar strollad Guy Vissault de Coëtlogon (e-touez anezho Joseph Le Ruyet, a orin eus Bubri) o doa harzet 17 rezistant e Baod, Bubri, Kamorzh ha Kistinid^[9].

Monumantoù ha traoù heverk

• Iliz Sant Sane.
• Chapel Sant Goal.
• Monumant ar re varv.

Emdroadur ar boblañs abaoe 1962

Niver a annezidi

Melestradurezh

Tud

• François Marie Bihouise (10 a viz Gouere 1878 e Kamorzh-13 a viz Mae 1915), bet fuzuilhet evit drouklazhadenn gant al Lu gall e-pad ar Brezel-bed kentañ^[10], met hervez Loeiz Herrieu^[11], en deus ar boled rifet skoaz an ofisour hepken, hemañ a veze alies doc'h atahiniñ ar soudard-se (...) hag é kennig koll dezhoñ. Da zek eur noz ema barnet Bihouez d'ar marv ha d'un eur da vintin ema diskaret, daouzek tenn ennañ.
• Jean-Marie Goasmat, marc'houarnour breizhat, bet ganet d'an 28 a viz Meurzh 1913 e Kamorzh.
• Jean Markale, skrivagner breizhat, a oa o chom e Kamorzh, abaoe ar bloavezhioù 1980 betek fin e vuhez e 2008.

Ardamezeg ar familhoù

	d'Arradon; aotrounez ar barrez	En sabel e seizh mailhenn en argant, 3, 3, 1

Gevelliñ

• Crucisor (Roumania)
• Brynmawr (Bro-Gembre)

Liammoù diavaez

• (br) Kamorzh war lec'hienn Geobreizh

Levrlennadur

• (fr)La commune de Camors du milieu du XIXe siècle à la fin du XXe siècle, Jean Evano ha Martine Lambert, levrenn 1, 2013 ; levrenn 2, 2017

Notennoù ha daveoù