Eva Sybille Haule-Frimpong (16 a viz Gouere 1954 e Tübingen) a zo un alamanez a gemeras perzh e trede rummad Rote Armee Fraktion. Tapout a reas kaout hec'h abitur (bachelouriezh en Alamagn) e Stuttgart a-raok kas ur vuhez kuzh azalek 1984^[1].

Oberiant e RAF

• 5 a viz Du 1984 : laerezh a reas armoù ha boledoù en ur stal-armoù e Maxdorf e-kichen Ludwigshafen.
• 18 a viz Kerzu 1984 : kemer perzh a reas e prientiñ lakaat ur vombezenn da darzhañ en ur skol eus NATO en Oberammergau. Soñjal a reer e parkas ur c'harr danvez-tarzh ennañ e-kichen ar skol, met ne darzhas ket an danvez-tarzh abalamour d'ur gudenn deknek.
• 1añ a viz C'hwevrer 1985 : kemer perzh a reas e muntr Ernst Zimmerman e Gauting^[2]. Muntret e voe en anv Patsy O'Hara.
• 8 a viz Eost 1985 : asambles gant Birgit Hogefeld e lazhas Edward Pimental a-benn kaout e baperioù identelezh da vont tre diazlec'h aerlu SUA Rhein-Main, e-kichen Frankfurt.
• er memes miz e kemeras perzh er gwalldaol a-enep an diazlec'h-se, ma voe lazhet daou zen ha gloazet ugent den all.

Harzet ha bac'het

D'an 2 a viz Eost 1986 e voe harzet e Rüsselsheim. D'an 28 a viz Even 1988 e voe kondaonet da 15 vloaz toull-bac'h.

E 2001 e oa da vezañ dieubet, met kavet e voe prouennoù nevez a-zivout ar pezh he doa graet gant RAF hag astennet e voe he frantad en toull-bac'h. Kaset e voe d'un toull-bac'h evit ar maouezed e Neukölln.

D'ar 17 a viz Eost 2007 e voe dieubet^[3],[4]. N'he deus diskouezet tamm keuz ebet evit a sell ouzh ar pezh a reas pa oa ezel eus RAF^[5].

Luc'hskeudennerez

Pa oa bac'het e heulias Eva Haule kentelioù luc'hskeudenniñ. Hiziv an deiz e tap luc'hskeudennoù eus maouezed toullbac'het. He dastumad titlet "Poltredoù maouezed bac'het" a zo bet graet diskouezadegoù gantañ^[6].

Notennoù

g • ka • ke Izili Rote Armee Fraktion Rummad kentañ Brigitte Asdonk • Ronald Augustin • Andreas Baader • Ingeborg Barz • Monika Berberich • Gudrun Ensslin • Irene Goergens • Marianne Herzog • Ulrike Meinhof • Horst Mahler • Horst Söhnlein • Thorwald Proll • Jan-Carl Raspe • Irmgard Möller • Holger Meins • Astrid Proll • Ingrid Schubert • Beate Sturm Eil rummad Susanne Albrecht • Verena Becker • Peter-Jürgen Boock • Siegfried Haag • Siegfried Hausner • Sieglinde Hofmann • Gabriele Kröcher-Tiedemann • Norbert Kröcher • Brigitte Mohnhaupt • Margrit Schiller • Adelheid Schulz • Angelika Speitel • Rolf Wagner • Stefan Wisniewski Trede rummad Wolfgang Grams • Birgit Hogefeld • Eva Haule • Andrea Klump