Mabig Jezuz Praha zo un delwenn goar d'ar Mabig Jezuz a weler e Malá Strana, e Praha e Tchekia.
Graet e vije bet gant ur manac'h war c'houlenn Jezuz. Piaouet e vije bet gant Santez Tereza Avila (Tereza de Jesus hec'h anv leanez), ha roet ganti d'ur vignonez dezhi, Maria Maximiliena Manrique de Lara y Mendoza[1]. He merc'h Polixena an hini he dije kaset an delwenn da Braha. Gant Polyxène de Pernstein, priñsez Lobkowicz, eo e voe kinniget an delwennig da gouent leanez Menez Karmel Praha en 1628, er bloavezh ma varvas he fried, Zdeněk Adalbert Lobkowicz, pennjeneral armeoù an impalaer ha trec'hour en emgann ar Menez Gwenn.