Pierre Noury (15 Mae 1743 - 25 Gouere 1804) zo ur beleg katolik ha skrivagner brezhonek.
Pierre Noury (15 Mae 1743 - 25 Gouere 1804) zo ur beleg katolik ha skrivagner brezhonek.
Genidik e oa eus Laozag e Bro-Gwened. Beleget e voe e 1767, hag anvet da berson e Begnen e 1770. Person Begnen e oa pa darzhas an Dispac'h Gall. Tec'hout a reas kuit ha kavout repu en Euskadi da gentañ hag e Portugal da c'houde. Distreiñ a reas da Vreizh, ha da Vegnen e dibenn 1801. Anvet e voe da berson en iliz-veur Gwened e 1802 ha mervel a reas eno daou vloaz goude.
Sevel a reas kalz prezegennoù, kantikoù ha skridoù relijiel all, hag a zo chomet diembann an darn vrasañ anezho. Troet en devoa ar Bibl en brezhoneg, met diembann eo chomet e Histoire er Hoh Testament hag e Histoire en Testament neué. Gantañ eo bet savet ar c'hantik Pezh trouz zo ar en douar.