Gant ar ger «Plegadeg» e tegouezher amañ. Evit sterioù all ar ger, gwelit Plegadeg (disheñvelout).

Plegadeg

Ar maerdi.

Anv gallaouek

Picadoec

Anv gallek (ofisiel)

Pleucadeuc

Melestradurezh

56159

56140

Maer
Amzer gefridi

Alain Launay
2014-2026

Etrekumuniezh

Eus an Oud da Vreselien Kumuniezh

Bro velestradurel

Bro Gwened

Lec'hienn web

(fr)www.pleucadeuc.fr

Poblañsouriezh

Poblañs

1 819 ann. (2020)^[1]

Stankter

53 ann./km²

Douaroniezh

Daveennoù
lec'hiañ

47° 45′ 35″ Norzh
2° 22′ 29″ Kornôg / 47.7597222222, -2.37472222222

Uhelderioù

kreiz-kêr : 70 m
bihanañ 7 m — brasañ 99 m

Gorread

34,56 km²

Plegadeg

Plegadeg a zo ur gumun eus Breizh e kanton Mourieg e departamant ar Mor-Bihan.

Douaroniezh

Kumunioù amezek

Sant-Marc'hell	Malastred	Sant-Kongar
Bohal	N	Sant-Kongar
	K Plegadeg R
	S
Moulleg	Moulleg, Pluhernin	Pluhernin, Sant-Kongar

Gerdarzh

Eus ple (diwar ar ger latin plebs) ha Kadeg (diwar Cadeuc < Cadoc < Catoc), stumm emdroet Kadog, sant eus Kembre.

Istor

Dispac'h Gall

Melestradurezh: krouet e voe ar gumun e 1790. Gant al lezenn eus an 23 a viz Eost 1790 e voe lakaet da bennlec'h kanton Plegadeg gant c'hwec'h kumun ennañ:Bohal, Megerieg, Plegadeg, Sant-Kongar, Sant-Laorañs-Graeneg ha Sant-Marc'hell; e Bann Roc'h-an-Argoed e oa; dilamet e voe kanton Plegadeg e 1801 gant al lezenn eus an 8 pluviôse an IX (28 a viz Genver 1801), dezhi an titl loi portant réduction du nombre de justices de paix; lakaet e voe Plegadeg en Arondisamant Pondi bet krouet e 1800 hag e Kanton Kistreberzh bet miret ha brasaet e 1801^[2]^,^[3].

XX^vet kantved

Brezel-bed kentañ

Mervel a reas 48 gwaz eus ar gumun abalamour d'ar brezel, eleze 2,93 % eus he foblañs e 1911^[4].

Reter-Nesañ

Mervel a reas ur soudard en Alep e Siria d’ar 25 a viz Du 1922^[5].

Eil brezel-bed

D'ar 16 a viz C'hwevrer 1943 e kouezhas ur c'harr-nij B-17 eus aerlu SUA (United States Army Air Forces) e Plegadeg; lazhet e voe eizh nijour a oa en e vourzh, an daou all a zeuas a-benn da achap^[6].
D'an 16 a viz Mae 1945 e voe kavet korfoù marv daou zen eus ar gumun, izili eus ar Rezistañs, bet boureviet, lazhet ha mañsonet d'an 13 a viz Gouere 1944 gant al lu alaman e kreñvlec'h Pentevr e Sant-Pêr-Kiberen^[7].
Meneget eo anv un den ag ar gumun ouzh monumant ar re varv^[8].