Pluguen
An iliz katolik.
Anv gallek (ofisiel)	Pluguffan
Bro istorel	Kernev
Melestradurezh
Departamant	Penn-ar-Bed
Arondisamant	Arondisamant Kemper
Kanton	kanton Kemper-1
Kod kumun	29216
Kod post	29700
Maer Amzer gefridi	Alain Decourchelle 2020-2026
Etrekumuniezh	Kemper Breizh ar C'hornôg
Lec'hienn web	Ti-kêr
Poblañsouriezh
Poblañs	4 196 ann. (2020)[1]
Stankter	131 ann./km²
Douaroniezh
Daveennoù lec'hiañ	47° 58′ 52″ Norzh 4° 10′ 45″ Kornôg / 47.980989, -4.179216
Uhelderioù	bihanañ 10 m — brasañ 155 m
Gorread	32,09 km²
Pluguen
kemmañ

Pluguen a zo ur gumun eus ar Vro C'hlazik e Kerne-Izel, sko ouzh Kêr-Gemper, e mervent Breizh. Emañ aerborzh Kemper-Kerne er su d'ar vourc'h.

Douaroniezh

Anv

• Erwan Vallerie (1995) ː Ploecuvan, 1220; Ploecuuan, Plaeguuan, 1220; Ploeguffvan, 1368; Ploeguffan, 1405; Ploeniffan, 1516; Ploeguffvan, Ploeguffan, 1536; Ploeguffvan, 1574; Pluguen, 1599; 1630; 1731; Plugusfan, 1731.^[2]

Ardamezioù

"En glazur e c'harv savant en aour ; e vevenn gommek etre gul hag argant".

Sturienn ː War'r prim.

Aozer ː Jakez Derouet. Degemeret gant ar gumun d'ar 27 a viz Ebrel 1984.

Brezhoneg

Ya d'ar brezhoneg

• D'an 19 a viz Du 2004 e oa bet votet ar garta Ya d'ar brezhoneg gant kuzul-kêr ar gumun.
• D'ar 14 a viz Meurzh 2005 e oa bet roet d'ar gumun al label Ya d'ar brezhoneg live 1.
• D'ar 7 a viz Here 2007 e oa bet roet d'ar gumun al label Ya d'ar brezhoneg live 2.
• D'an 11 a viz Kerzu 2013 e oa bet roet d'ar gumun al label Ya d'ar brezhoneg live 3.

Deskadurezh

• E 2012 a oa bet krouet un hentad divyezhek e skol bublik ar gumun. 14 skoliad a oa bet enskrivet er c'hlas divyezhek d'ar c'houlz-se.
• E distro-skol 2022 e oa enskrivet er c'hlasoù divyezhek 65 skoliad (13,6 % eus skolidi ar gumun evit a sell ouzh ar c'hentañ derez)^[3].

Prizioù dazont ar brezhoneg

• E 2009 e oa bet roet da di-kêr Pluguen Priz kentañ dazont ar brezhoneg, rummad Strollegezhioù", gant Ofis ar Brezhoneg^[4].

Istor

Ragistor

• Kavet e voe arroudoù annezidi an Neolitik.

Henamer

• Arroudoù eus ar C'halianed-ha-Romaned ivez, bet kempennet un hent-bras evit mont aes eus Kemper da Benmarc'h gante.

XV^vet kantved

• E 1490 e kont ar chaloni Moreau danevell emsavadeg ar gouerien kannet ha lazhet e Prad-ar-Mil-gof war riblennoù an Dour-Ru. Sañset e vije bet tennet anv ar gwazh-dour diwar ar gwad skuilhet gant soudarded saoz ha spagnol gwarnizon Kemper. Anv a zo eus an emsavadeg-se e-barzh kanaouenn "Paotred Plouieo" a lenner er Barzaz Breiz.

Dispac'h Gall

• Dekred eus ar 26 a viz Du 1790 war al le ret: e penn-kentañ 1791 e voe nac'het al le ouzh ar Roue, ar vro hag al lezennoù gant Le Flô, person, ha Trouboul, kure^[5].

XX^vet kantved

Brezel-bed kentañ

• Mervel a reas 104 gwaz eus ar gumun abalamour d'ar brezel, eleze 5,25% ag ar boblañs hervez an niveradeg bet graet e 1911^[6].

Eil brezel-bed

• Mervel a reas c’hwezek den ag ar gumun abalamour d'ar brezel^[7].

Monumantoù ha traoù heverk

• Iliz katolik Sant Kuvan, XIII^vet-XV^vet-XVII^vet-XIX^vet kantved.
• Chapel Itron-Varia ar Grasoù, XVII^vet-XIX^vet kantved.
• Mogerioù maner Treger, XV^vet kantved.
• Lia-vaen e Koad-ar-C'horriged.
• Krug Kerbernez.

• 
  Tour kontrollañ an aerborzh.

• Aerborzh Kemper-Kerne.

Emdroadur ar boblañs abaoe 1962

Niver a annezidi

Melestradurezh

Tud

Tud ganet eno

• 1872 : Pêr Brelivet, barzh brezhonek.

Tud marvet eno

• 1940 : Pêr Brelivet, barzh brezhonek.

Ardamezeg ar familhoù

	de Kerloaguen Aotrounez la Bouëxière	En argant e erez dispak iziliek ha pigosek en gul. Sturienn ː Sans effroy
	du Quélenec Aotrounez Coëtfao	En erminoù, e gab en gul karget gant teir flourdilizenn en aour

Gevelliñ

Bro	Kêr	Abaoe
Kembre	Llanymddyfri‎	1984

Liammoù diavaez

Muioc'h a restroù diwar-benn

Pluguen

a vo kavet e Wikimedia Commons.

• (br) Pluguen war lec'hienn Geobreizh
• Kizhier Pluguen (kelc'h keltiek)
• (fr) Infobretagne.com
• (fr) Pluguffan Art et Histoire

Levrlennadur

• Pluguffan sous la Révolution de 1789, Pluguffan, Art et Histoire, 2018
• Pluguffan, commerçants et artisans pendant les Trente Glorieuses (1945-1973), Pluguffan, Art et Histoire, 2022

Daveoù ha notennoù