Pontrev
Ar rinier e Pontrev, ha bagoù bale, gwelet eus al lez dehoù. E kumun Pleuzal emañ al lez all.
Anv gallek (ofisiel)	Pontrieux
Bro istorel	Bro-Dreger
Melestradurezh
Departamant	Aodoù-an-Arvor
Arondisamant	Gwengamp
Kanton	Pontrev (betek 2015) Bear (abaoe 2015)
Kod kumun	22250
Kod post	22260
Maer Amzer gefridi	Samuel Le Gaouyat 2014-2026
Etrekumuniezh	Gwengamp-Pempoull Arvor-Argoad Tolpad-kêrioù
Bro velestradurel	Bro Gwengamp
Lec'hienn web	(fr)Ti-kêr
Poblañsouriezh
Poblañs	1 000 ann. (2020)[1]
Stankter	980 ann./km²
Douaroniezh
Daveennoù lec'hiañ	48° 41′ 57″ Norzh 3° 09′ 29″ Kornôg / 48.6992, -3.1581
Uhelderioù	kreiz-kêr : 9 m bihanañ 7 m — brasañ 77 m
Gorread	1,02 km²
Pontrev
kemmañ

Pontrev ([põn'trẽˑ]^[2], [põn'trɛw], [põ'trẽf]) zo ur gumun e Breizh e departamant Aodoù-an-Arvor, war ribloù an Trev, un 20 km bennak eus an aod, a zeu al lanv betek enni. Penn kanton e oa betek 2015.

Anv

Savet eo an anv diwar ar ger pont hag anv ar stêr Trev.

Douaroniezh

Pontrev zo bet savet en daou du d'ar stêr Trev (Treñv).

Kumunioù amezek

Pleuzal		Kemper-Gwezhenneg
Ploueg-Pontrev		Sant-Kleve

Ur porzh bihan zo war lez an aber, ma vez diskarget traezh-mor ha kregin d'ober temz. Abaoe ar bloavezhioù 1980 e vez gwelet bagoù o c'hoañviñ war an Trev.

Kanton

Kanton Pontrev zo bet enteuzet e kanton Bear e 2015.

Dezougen

• 
  Pont an hent-houarn dreist an Treñv.

• War al linenn hent-houarn Pempoull Gwengamp emañ Pontrev, gant daou arsav er gumun, en arsavlec'h kreiz-kêr, anvet halte de Pontrieux, deuet da vout Pontrieux halte, gant an dreveziñ saozneg hag en ti-gar, e porzh Pontrev.

Ardamezioù

En gul e groaz koñchek en aour.

Istor

Henamzer

Kêr Bontrev zo bet savet war douaroù parrezioù Kemper-Gwezhenneg ha Sant-Kleve (Itron Varia ar Feunteunioù), en tu reter d'an Trev, ha parrez Pleuzal (Sant-Erwan), en tu kornôg d'an Trev.

XVIIIvet kantved

• 19 Eost 1773 : dour-beuz hag a gas un neubeut tiez hag ar pont
• 3 Ebrel 1777 : tan-gwall hag a gas ul lodenn vras eus ar straed Galleries
• 25 Genver 1778 : dour-beuz
• 20 Gouere 1778 : dour-beuz

Dispac'h gall

• Emgann Pontrev e 1792.

XX^vet kantved

Brezel-bed kentañ

• Mervel a reas 62 waz abalamour d'ar brezel hervez monumant ar re varv, da lavaret eo 3,46 % ag ar boblañs hervez an niveradeg bet graet e 1911^[3].

Eil Brezel-bed

• Kemeret e voe 20 000 Lur en ti-post, gant daou ezel eus ar Rezistañs moarvat, d’ an 3 a viz Even 1944, hervez danevell sizhuniek Titouroù Hollek Sant-Brieg^[4].
• Mervel a reas 28 den eus ar gumun abalamour d'ar brezel^[3].

Brezelioù didrevadennañ

Brezel Aljeria

• Mervel a reas tri soudard.

Monumantoù ha traoù heverk

• 
  Milin ar Richel.
• 
  Ti Tour Eiffel.
• 
  An iliz katolik .
• 
  Monumant ar re varv (26 Ebrel 2008)

• Iliz katolik Itron Varia ar Feunteunioù.
• Feunteun.
• An ti Eiffel, un ti kozh dirak an iliz.
• Monumant ar re varv e Leurgêr ar Frankiz, luc’hskeudenn ha kartennoù-post ^[5].
• Plakenn ar re varv (1914-1918) en iliz katolik, luc’hskeudenn^[6].

Emdroadur ar boblañs abaoe 1962

Niver a annezidi

Relijion gatolik

E pardon ar Feunteunioù, e miz Gouhere, e vez lidet Itron Varia ar Feunteunioù. Heñvel eo ton kantik Itron Varia ar Feunteunioù ouzh hini Itron Varia ar Gozh Iliz, e Planiel.

Tud brudet

Tud bet ganet eno

• Jacques Le Brigant, d'an 18 a viz Gouere 1720.
• Pierre-Marie Le Provost de Launay, maer.
• Yves Le Trocquer, ijinour ha politikour, ministr ha maer Pontrev, d'ar 4 a viz Here 1877.
• Loeiz ar Floc'h, beleg breizhat, barzh, prederour hag embanner, anavezet dindan e anv-pluenn Maodez Glanndour, ganet d'ar 7 a viz Meurzh 1909, marvet  e 1986 e  Louaneg.

Brezhoneg

Rimadell

Me 'm eus ur mignon e Pontrev

Daou 're, daou 're

Ma zad a oa rouzmouzer

Ma mamm a oa rouzmouzerez

Ha me a zo rouzmouzer.

Domini Patris,

Sant Malo, Lomikêl ha Lokemo

Me 'm eus kerent e Pontrev,

N'onn ket pe int marv pe int bev.

Krennlavaroù

• Ebeul Pontrev a vez lavaret eus ur c'houer teuc'h a sperad ha gros^[7]
• Merc'hed Pontrev / Daou benn moal hag unan dev.^[8]

Kantik

• Kantik Itron Varia ar Feunteunioù.

Levrlennadur

• (fr)J.B. Ogée : Dictionnaire de Bretagne; 1780.
• (fr)A. Marteville & P. Varin : warlec'hien ha reizherien Ogée; 1843.
• (fr)Yves Thomas : Pontrieux, petite cité du Trégor-Goëlo. Embannadurioù la Plomée. Gwengamp. 2002 (16x24. 611 p.)

Liammoù diavaez

Muioc'h a restroù diwar-benn

Pontrev

a vo kavet e Wikimedia Commons.

• (br)Pontrev war Lec'hienn Geobreizh
• (fr)Kumun Pontrev

Notennoù ha daveoù