Pornizh
Ar porzh kozh hag ar c'hastell.
Anv gallaouek	Port-Nitz
Anv gallek (ofisiel)	Pornic
Bro istorel	Bro-Raez ( Bro-Naoned)
Melestradurezh
Departamant	Liger-Atlantel
Arondisamant	Sant-Nazer
Kanton	Pornizh (pennlec'h)
Kod kumun	44131
Kod post	44210
Maer Amzer gefridi	Jean-Michel Brard 2014-2026
Etrekumuniezh	Pornizh Tolpad Bro-Raez (sez)
Bro velestradurel	Bro Raez Atlantel
Lec'hienn web	www.pornic.fr
Poblañsouriezh
Poblañs	16 886 ann. (2020)[1]
Stankter	179 ann./km²
Douaroniezh
Daveennoù lec'hiañ	47° 06′ 53″ Norzh 2° 06′ 02″ Kornôg / 47.11478, -2.10064
Uhelderioù	bihanañ 0 m — brasañ 31 m
Gorread	94,2 km²
Pornizh
kemmañ

Pornizh a zo ur gumun eus Breizh el Liger-Atlantel hag e Bro-Raez. Pennlec'h Kanton Pornizh eo.

Douaroniezh

E su Breizh emañ Pornizh, er su da aber al Liger hag en norzh da Enez Nervouster. War vord Bae Bourc'hnevez emañ.

Kumunioù amezek

	Sant-Mikael-Keveger	Sant-Pêr-Raez	Kalveg
	Plaen-Raez, Pradvael	N	Kalaved-Raez, Sant-Eler-Kaleon
		K    Pornizh    R
		S
	Meurvor Atlantel	Kerverner-Raez	Mousteroù-Raez, Kernevez-Raez

Anv

A. Pornizh:

• Erwan Vallerie ː Porsnith, 1187; Porsniti, Pornit, 1083; Pornic, 1206; Pornic, 1383; Pornit, 1394; Pornic, 1399; Pornid, 1418; Pornit, 1435; Pornic, 1451; Pornis, 1487

B. Klionː Claone, XI^vet

Ardamezioù

Istor

Dispac'h Gall

• Krouet e voe kumun Pornizh e 1790 diwar ar barrez katolik. Lakaet e voe da benn Kanton Pornizh hag e Bann Pembo. E 1800 e voe lakaet en Arondisamant Pembo^[2].

XX^vet kantved

Brezel-bed kentañ

• Mervel a reas 62 waz ag ar gumun abalamour d'ar brezel, da lavaret eo 2,95 % eus he foblañs e 1911^[3].

Kemmoù Arondisamant

• 1926: lakaet e voe ar gumun en Arondisamant Sant-Nazer pa voe diskaret Arondisamant Pembo.
• 1973: Lokmaria ha Klion a voe staget ouzh kumun Pornizh^[4].

Eil brezel-bed

• Mervel a reas seizh den eus ar gumun abalamour d'ar brezel hervez monumant ar re varv^[5].

Trevadennoù

• Brezel Aljeria: mervel a reas tri milour eus ar gumun hervez monumant ar re varv^[6].

Sevenadur

Darvoudoù-sport a bep seurt

• 26 a viz Gouere 2003: 19vet hag 2^l diwezhañ tennad-hent Tro Bro-C'hall etre Pornizh ha Naoned (a-benn d'an eur); trec'h eo David Millar (Skos).

Gouelioù

• Meurlarjez e miz Ebrel (a-hed an deiz hag an noz)^[7].
• Gouel Breizh tro-dro da zevezh Sant-Erwan d'an 19 a viz Mae.
• Gouel Sant-Jili tro-dro d'an 2 a viz Gwengolo.

Brezhoneg

Un nebeud anvioù a orin brezhonek a gaver e Pornizh hag e Bro-Raez. Koulskoude ne voe ket ar brezhoneg evit chom pell er c'horn-se eus ar vro ma voe mouget abred. N'eo ket anavezet-kaer istor ar brezhoneg e bro-Raez.

Abaoe fin an XX^vet kantved da nebeutañ eo krog Pornizhiz zo da labourat evit lakaat war wel o breizhadelezh. Intrudu zo bet kemeret gant ar bed kevredigezhel ha darempredoù zo bet skoulmet gant an dilennidi.

Kentelioù brezhoneg d'an dud deuet a zo gant Kelc'h Keltiek Pornizh abaoe 1999. E 2004 e oa bet staliet panelloù divyezhek war hentoù mont tre ar gumun.

D'ar 1añ a viz Meurzh 2006 e oa bet votet ar garta Ya d'ar brezhoneg gant kuzul-kêr ar gumun. Kentañ kumun Breizh-Uhel o sinañ ar garta eo bet Pornizh.

E deroù ar bloavezhioù 2000 e voe ur raktres hag ur stourm evit sevel ur skol divyezhek prevez e Pornizh. Kazeg a reas an emsaverien kar-o-yezh d'ar mare-se. Tamm-ha-tamm e reas e dreuz ar soñj sevel Skol Diwan Pornizh er gumun. E miz Gwengolo 2012 eo bet digoret ar skol Diwan gant 14 bugel (1,1% eus skolidi ar gumun evit a sell ouzh ar c'hentañ derez)^[8], anezhi ar skol vrezhonek kentañ e su al Liger^[9].

E Pornizh eo diazezet an embanner Thierry Jamet a lakaas treiñ Harry Potter e brezhoneg.

Lakaet ez eus bet e plas gant an dud binvioù stummañ evit ma c'hallfe ar yezh adwriziennañ er gumun. Bep un tammig en em zispak un tamm buhez sevenadurel vrezhonek er vro.

Skol Diwan Pornizh

Serret eo bet Skol Diwan Pornizh e 2013, pa oa bet digoret e 2012^[10].

Poblañs

Emdroadur ar boblañs abaoe 1962

Niver a annezidi

Melestradurezh

Lec'hioù brudet ha monumantoù

• Abati Lokmaria Pornizh.
• Kastell Pornizh.
• Ar porzh.
• Lokmaria-Pornizh.
• Iliz katolik Sant Pêr, e Klion^[12].
• Iliz katolik Sant Jili^[13].
• Iliz katolik Intron-Varia^[14].
• Chapel Intron-Varia Gwir-Sikour^[15].
• Monumant ar re varv er vered, luc’hskeudennoù^[16],[17].
• Plakenn ar re varv 1914-1918 en iliz katolik, luc’hskeudennoù^[18],[19] ha plakenn ar re varv 1939-1945 ha Brezel Aljeria, luc’hskeudennoù^[20],[21].

Bezioù ar C'hommonwealth

Bezioù ar C'hommonwealth e bered kumun Klion: Le Clion-sur-Mer Communal Cemetery

Bro	Niver a soudarded
Rouantelezh-Unanet	44 (Aerlu 1 Morlu 2 Tirlu 41)
Dianv	tremen 25
Hollad	tremen 70

Marvet int e-pad an Eil Brezel-bed. An darn vrasañ eus ar vilourion douaret er vered (33 diwar ar 44 milour anavezet hag an darn vrasañ eus ar re chomet dianv) a varvas d'ar 17 a viz Even 1940 pa voe kaset d'ar strad ar mordreizher RMS Lancastria eus ar Rouantelezh-Unanet e donvor Sant-Nazer. An daou vartolod a varvas e miz Meurzh 1942 goude an Oberiadenn Chariot^[22].

Bezioù ar C'hommonwealth e bered kumun Lokmaria: Ste. Marie Communal Cemetery

Bro	Niver a soudarded
Rouantelezh-Unanet	24 (Aerlu 1 Tirlu 23)
Dianv	tremen 10
Hollad	tremen 34

Marvet int e-pad an Eil Brezel-bed. An darn vrasañ eus ar vilourion douaret er vered a varvas d'ar 17 a viz Even 1940 pa voe kaset d'ar strad ar mordreizher RMS Lancastria eus ar Rouantelezh-Unanet dirak Sant-Nazer^[23].

Bered ar C'hommonwealth: Pornic War Cemetery

Bro	Niver a soudarded
Suafrika	2 Tirlu
Aostralia	2 Aerlu
Kanada	8 (Aerlu 7 Morlu 1)
Rouantelezh-Unanet	147 (Aerlu 29 Morlu 4 Tirlu 114)
Zeland-Nevez	1 Aerlu
Dianv	160
Brezel-bed kentañ	2
Hollad	397Brezel bed kentañ 2 Eil brezel bed 395

Ur vered ag an Eil brezel bed eo; degaset ez eus bet daou vez eus ar Brezel bed kentañ enni neoazh. An darn vrasañ eus ar vilourion douaret er vered a varvas d'ar 17 a viz Even 1940 pa voe kaset d'ar strad ar mordreizher RMS Lancastria eus ar Rouantelezh-Unanet e donvor Sant-Nazer^[24].

Tud

Tud istorel:

• Alan al Louarn, dug Breizh,
• Jili Raez
• François-Athanase de Charette de La Contrie

Tud brudet en deus gweladennet ar gêr gouronkañ:

• skrivagnerien evel Gustave Flaubert, Paul Léautaud, Robert Browning ha Julien Gracq, Gaston Gallimard embanner eus Pariz hag ar skrivagnerien Antoine de Saint Exupéry hag Albert Camus,
• livourien bet awenet gant ar gêr hag he zrowartroioù: Auguste Renoir, Edgar Maxence, Henri Lebasque, Charles Leduc, Henri Chouppe, Fernand Lantoine, Gustave Quenioux, Charles Fouqueray, Edouard Porquier, Armand Guillaumin, Gustave Loiseau, Raoul du Gardier, Max Ernst, Gustave Caillebotte, Joseph-Marie Le Tournier ha Félix Thomas.

Anvet ez eus bet ar mediaoueg gant anv an istorour naonedat Armel de Wismes.

Ardamezeg ar familhoù

	Avril, pe Apuril, aotrounez Langotière, e Klion	En argant e zervenn c'heotet, meziet en aour, hebiaet gant div koulm penn-ouzh-pen en gul, ur skourig c'heotet en o beg

Gevellerezh

• Linz-am-Rhein (Alamagn)
• Baiona (Galiza)
• Newby and Scalby (Bro-Saoz)

Pennadoù kar

• Klion.
• Lokmaria-Pornizh.

Levrlennadur

• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• Erwan Vallerie : Diazezoù studi istorel an anvioù-parrez. Corpus. An Here. 1995

Daveoù ha notennoù

Liammoù diavaez

• Lec'hienn ofisiel an ti-kêr