Prizieg
Ar maerdi.
Anv gallek (ofisiel)	Priziac
Bro istorel	Bro-Gwened
Melestradurezh
Departamant	Mor-Bihan
Arondisamant	Pondi
Kanton	Gourin
Kod kumun	56182
Kod post	56320
Maer Amzer gefridi	Dominique Le Niniven 2014-2026
Etrekumuniezh	Roue Morvan Kumuniezh
Bro velestradurel	Bro Kornôg Kreiz-Breizh
Lec'hienn web	(fr)www.priziac.com
Poblañsouriezh
Poblañs	965 ann. (2020)[1]
Stankter	22 ann./km²
Douaroniezh
Daveennoù lec'hiañ	48° 03′ 43″ Norzh 3° 24′ 29″ Kornôg / 48.0619444444, -3.40805555556
Uhelderioù	kreiz-kêr : 166 m bihanañ 56 m — brasañ 230 m
Gorread	44,63 km²
Prizieg
kemmañ

Prizieg zo ur gumun e kanton Gourin e departamant ar Mor-Bihan.

Douaroniezh

War lez an Ele emañ Prizieg.

• 
  An Ele a ra ar vevenn etre Prizieg hag Ar Faoued.

Anv

Stummoù skrivet

• Erwan Vallerie (1995) ː Brisiaci Sylva, 818 ; Prisiac, 1128, 1160 ; Prisciach, 1161 ; Prisiac, 1191 ; Parrochia plebis Prisiac, 1330 ; Presiac, 1376 ; Prisiac, 1387 ; Prissiac, 1430 ; Prisac, 1630.

Gerdarzh

Diwar an anv-den galian-ha-roman Britius, graet e annez en norzh d'ar c'hamp roman a oa e Berne^[2]. An hevelep anv-den a roas anv ar gumun Brieg^[3].

Ardamezouriezh

Troc'het ; ouzh 1, rannet : en sabel e groaz goñchek en argant, en gul e gammell eskob en aour ; ouzh 2 : en argant e ziv dreustell kommek en glazur, ur rod milin dour en sabel difoupant diouzh an dreustell ouzh beg, ha balirant. Degemeret gant ar Gumun e 1991 ; enrollet e 1992.

Istor

IX^vet kantved

• Deuet da vrezeliñ ouzh Morvan Lez-Breizh e 818 e voe savet e gamp e Prizieg gant Loeiz an Deol, impalaer frank ; e 1860 e voe kavet 2 000 pezh-moneiz karolingian etre kêriadennoù Beler ha Kervenac'h^[4].

Dispac'h Gall

• Melestradurezh : krouet e voe ar gumun e 1790 ; gant lezenn an 23 a viz Eost 1790 e voe lakaet e penn kanton Prizieg, div gumun ennañ : Prizieg ha Sant-Tudal ; e Bann ar Faoued e oa^[5] ; dilamet e voe kanton Prizieg gant lezenn an 8 pluviôse an IX (28 a viz Genver 1801), dezhi an titl Loi portant réduction du nombre de justices de paix^[6]. Lakaet e voe Prizieg en Arondisamant Pondi bet krouet e 1800 hag e Kanton ar Faoued bet brasaet e 1801.

XX^vet kantved

Impalaeriezh C'hall Kentañ

• Mervel a reas pevar gwaz eus ar gumun er brezelioù^[7].

XX^vet kantved

Brezel-bed kentañ

• Mervel a reas 104 gwaz eus ar gumun hervez he marilhoù, 134 hervez monumant Santez-Anna-Wened, 132 hervez monumant ar re varv (eleze 4,39 % ag ar boblañs hervez an niveradeg bet graet e 1911)^[8] abalamour d'ar brezel^[9].
• D'an 21 a viz Du 1915 e voe fuzuilhet gant al lu gall ur milour breizhat bet ganet er gumun.

Eil brezel-bed

1940, repuidi-brezel

D'an 10 a viz Even e oa 291 repuad e Prizieg ; 24 anezhe ne oant ket distroet d'ar gêr c'hoazh d'ar 1añ a viz Gwenholon^[10].

1944

• D'an 31 a viz Mae e voe taget an ti-post gant tud eus ar Rezistañs met ne voe kemeret blank ebet gante, ha d'ar 6 a viz Even e voe tapet 6 100 Lur gante^[11].
• E miz Even, daou zen ag ar Rezistañs a voe lazhet gant an Alamaned pa voe taget kamp paotred ar strouezheg e Kerfur ; pevar ezel all ag ar Rezistañs a voe fuzuilhet e Bodkenven ; e miz Gouere, seizh den ag ar Rezistañs a voe fuzuilhet e Karnal-Vihan ; daou ezel arall ag ar Rezistañs a voe lazhet er gumun^[12].

Brezelioù didrevadennañ

Brezel Indez-Sina

• Mervel a reas pevar milour eus ar gumun e Viêtnam^[13].

Brezel Aljeria

• Mervel a reas ur soudard eus ar gumun d’an 23 a viz Ebrel 1960 en Ouled Bessem e Vialar (departamant Tiaret)^[14].

Monumantoù ha traoù heverk

• 
  Alez toet Bodkenven
• 
  Dismantroù kastell an Dreors
• 
  Iliz katolik Sant Beheau
• 
  Chapel Sant Erwan
• 
  Monumant ar rezistanted fuzuilhet
• 
  Monumant ar re fuzuilhet

• Monumant ar re varv e-tal an iliz katolik, luc’hskeudenn^[15].

Emdroadur ar boblañs abaoe 1790

<clr|left)) ^[16]

Melestradurezh

Tud

Tud bet ganet eno

• Joseph Marie Le Parc, d'ar 14 a viz Genver 1882, soudard er 262vet Rujumant Troadegiezh, soudardaet en Oriant, bet fuzuilhet gant al Lu gall e Moulin-sous-Touvent (departamant Meuse, Bro-C'hall) d'an 21 a viz Du 1915 e-pad ar Brezel-bed kentañ^{[17],[18],[19]}.

Ardamezeg ar familhoù

	de Beaumez Aotrounez la Roche-Périou En gul e groaz garzentek en aour.
	de Volvire Aotrounez an Dreorz Goudreustellet a zek pezh etre aour ha gul.

Liammoù diavaez

• (br) Prizieg war lec'hienn Geobreizh

Daveennoù ha notennoù