La loĝantoj nomiĝas Torralbeños. La censita populacio en 2010 estis de 3.104 loĝantoj kaj la denseco estas de 30,56 loĝ/km².
Kvankam Torralba atingis preskaŭ 6.000 loĝantojn en la 1950-aj jaroj, la kampara krizo kaj la industria kresko for de Manĉo devigis multajn anojn elmigri al Eŭskio, Katalunio, Valencilando kaj ĉefe al la regiono de Madrido. Lastajn jarojn la populacio ekrekuperiĝas ĉar multaj junuloj elektas Torralba ĉar tie loĝejoj estas multe pli ĉipaj ol en Ciudad Real, kiu estas nur je 15 km laŭ aŭtoŝoseo.
Pro denseco de 30,56 hab/km², Torralba de Calatrava posedas densecon populacian pli altajn al tiu de la provinca averaĝo.
Situo
Torralba de Calatrava estas situa en la suda parto de Kastilio-Manĉo en la komarko aŭ distriktoKamparo de Kalatrava en la centra parto de la provinco de Ciudad Real, je altitudo de 620 m; je 15 km el Ciudad Real, provinca ĉefurbo. La geografiaj koordinatoj estas 39°00′59″ N 3°45′00″ Ok.
La totala areo de ties teritorio estas de 101,58 km², kio estas nur 0,47% de la provinca areo.
La vilaĝo kuŝas sude de la teritorio, kiu estas longa kaj mallarĝa sude, kaj iom klina okcidenten. La maksimuma distanco norde al sudo estas de 19 km, el la punkto situa plej norde de Campomojado en direkto nordokcidente – sudoriente. Maksimuma larĝo de oriente okcidenten estas de 7,5 km, en la suda parto. Tiu distanco malpliiĝas dum ascendo norden, ĝis la punkto kie la rivero Guadiana trapasas la teritorion kiu estas la zono plej mallarĝa, kiu havas unusolan km de larĝo, kaj poste malfermiĝas en formo triangula al Campomojado.
Ekonomio
Ermitejo de Kristo
Agrikulturo kaj brutobredado tradicie. Sed lastatempe konstruado kaj gastado (trinkejoj kaj restaŭracioj). Ĉarpentado, panfarado, oraĵ-arto. Aliaj servoj. Urba dormejo. Industria areo.
Historio
La historio de la vilaĝo estas ligata al tiu de la Ordeno de Kalatrava, kiu posedis la teritorion post la konkero al la islamanoj. Krome ĝi estis sufiĉe proksima al la ununura reĝurbo nome Ciudad Real kiu konfliktis kontraŭ la ordeno kaj inverse.
Monumentoj
Teatrokorto. Ĵus malkovrita kaj rekonstruita kiel kroma scenejo de la Festivalo de Klasika Teatro de Almagro. Tie aperis restoj de la antikva kastelo ĉe la ermitejo de la Purísima Concepción. Enhavas 740 personojn en kvar areoj, el kiuj plej granda estas la ĉefa korto, kiu enhavas 460 personojn. Oni konservis arkojn apartenantaj al la ĉefa strukturo de la korto, same kiel desegnojn kaj skribaĵojn. Ĝi estis uzata por teatro el 1578 al fino de 19a jarcento.
Antikva urbodomo (16a jarcento), nune estas tie la Arkivo Historia Municipa de Torralba.
Festoj
Kristo Konsolo el 13a al 21a de septembro. Festoj honore al Patrono de Torralba de Calatrava en kiuj dum pli da unu semajno oni organizas diversajn agadojn kaj oni ricevas familianojn kaj toralbanojn kiuj elmigris al industriaj zonoj.
Vikimedia Komunejo Torralba de Calatrava [+]
.png)