Alejandro Mon-Landa Landa, nado en Pontevedra o 16 de febreiro de 1886 e finado na mesma cidade o 7 de novembro de 1957, foi un político conservador galego.

Traxectoria

Fillo de Alejandro Mon Landa. Doutor en Dereito e en Filosofía e Letras. Escribiu Estudio de los foros en Galicia (1910). Foi deputado a Cortes polo distrito da Cañiza ininterrompidamente durante sete lexislaturas (1910-1923) e fundou o Partido Agrario Gallego. Presentouse ás eleccións de febreiro de 1936 na lista centrista de Manuel Portela Valladares sen ser elixido.^[1]

Foi xerente de Tranvías Eléctricos de Pontevedra, conselleiro da Compañía Eléctrica e presidente da Cámara de Comercio. Foi presidente da Asemblea Provincial da Cruz Vermella e da Sociedade de Socorros Mutuos. Finou en Pontevedra o 7 de novembro de 1957.^[2]

Recoñecementos

• Gran Cruz de Isabel a Católica, 1922.

• Cruz do Mérito Naval.

Vida persoal

Casou con Consuelo Munaiz López e foi pai de Clementina, Concepción, Consuelo e Alejandro Mon Munaiz.

Notas

Véxase tamén

Wikimedia Commons ten máis contidos multimedia na categoría:  Alejandro Mon Landa Landa

Ligazóns externas

• Mon (Pontevedra) por Pousada Xosé Docampo