Dolmen de Axeitos | |
---|---|
Ben de Interese Cultural | |
Dolmen de Axeitos | |
Localización | |
País | Galiza |
Concello | Ribeira |
Localidade | Axeitos |
Coordenadas | 42°35′59″N 9°01′03″O / 42.59972222, -9.0175Coordenadas: 42°35′59″N 9°01′03″O / 42.59972222, -9.0175 |
Datos xerais | |
Data | 11 de marzo de 1978 |
Categoría | Monumento |
Código | RI-51-0004270 |
Construción | Prehistoria - |
Estilo | Megalitismo |
Mapa de localización | |
O dolmen de Axeitos é un dos monumentos funerarios megalíticos de Galicia máis coñecidos. Sitúase na parroquia de Oleiros, no concello de Ribeira. Está datado no IV milenio a. C.
De pequenas dimensións, destaca polo seu equilibrio de formas. Estrutúrase nunha planta poligonal con corredor formada por sete ortóstatos. Sitúase coa orientación leste tradicional neste tipo de megálitos.
Ata o momento, non se teñen noticias de ningún achado no seu recinto pero suponse que a ausencia de enxovais funerarios é consecuencia das espoliacións ás que foron e seguen sometidas os monumentos megalíticos.[1] Ata hai algúns anos[cando?], a 50 metros do dolmen levantábase unha rocha de 3 x 4 metros que presentaba gravadas en dúas das súas caras as figuras de tres cabras, dúas delas en actitude de marcha e a outra expectante. A maior destas figuras medía 1 metro e 5 centímetros de lonxitude por 80 centímetros de altura. Na actualidade a rocha está destruída.[1]
É propiedade da Deputación da Coruña.
Wikimedia Commons ten máis contidos multimedia na categoría: Dolmen de Axeitos |