| Ghost | |
|---|---|
| Ficha técnica | |
| Título orixinal | Ghost |
| Director | Jerry Zucker |
| Produtor | Lisa Weinstein |
| Guión | Bruce Joel Rubin |
| Intérpretes | Patrick Swayze Demi Moore Whoopi Goldberg Tony Goldwyn |
| Música | Maurice Jarre |
| Fotografía | Adam Greenberg |
| Montaxe | Walter Murch |
| Distribuidora | Paramount Pictures[1] |
| Estrea | 13 de xullo de 1990 |
| Duración | 127 minutos |
| Orixe |  Estados Unidos |
| Xénero | Drama, romántico |
| Orzamento | $22 000 000 |
| Recadación | $505 700 000 |
| Na rede | |
           | |
Ghost é un filme estadounidense de drama romántico dirixido por Jerry Zucker que se estreou en 1990.[2] Está protagonizado por Patrick Swayze, Demi Moore, Tony Goldwyn e Whoopi Goldberg. Foi escrito por Bruce Joel Rubin e o argumento céntrase na historia dunha moza nova (Moore), a pantasma do seu amante asasinado (Swayze) e unha mentalista (Goldberg).
O filme foi un grande éxito comercial, recadando máis de $505,7 millóns sobre un orzamento de $22 millóns.[3] Foi o meirande éxito cinematográfico de 1990.[4]
Foi nomeado a cinco Premios Óscar na 63ª edición dos premios, incluíndo mellor filme, mellor banda sonora e mellor montaxe. Gañou os premios de mellor actriz secundaria para Goldberg e mellor guión orixinal. Swayze e Moore recibiron nomeamentos ós Globos de Ouro polas súas interpretacións, e Goldberg gañou un BAFTA, un Globo de Ouro, e un Premio Saturn ademais do Óscar.
