Lleu Llaw Gyffes (pronuncia galesa: [ˈɬəɨ ˈɬau ˈɡəfes], é unha figura[1] da mitoloxía galesa que aparece na cuarta póla dos Mabinogion, Math fab Mathonwy. É o equivalente do Lugh irlandés e do Lugus galo.
Segundo o relato do Mabinogion o seu nacemento resulta dunha práctica máxica de Math sobre Arianrhod para probar a súa virxindade, pero esta falla e do seu ventre caen dous meniños, a Dylan ail Don veo todo o mundo pero ao outro Arinarhod méteo nunha cesta antes que ninguén o vexa. Máis tarde, o seu irmán Gwydion oe uns choros a rentes da súa cama e abre a cesta, descubrindo un meniño do tamaño dunha noz, ao que educa. Este nacemento interprétase como froito dunha relación incestuosa entre Arianrhod e Gwydion[2].
Gwydion preséntalle o fillo a Arinanrhod pero ela, furiosa pola vergoña do recordo da proba sobre a súa virxindade, négase a recoñecelo e mesmo a darlle un nome como se non existise e maldío cun tynged para que só ela lle poida dar nome. Gwydion non se rendeu, disfrazouse de zapateiro para que a súa irmá non o recoñecese e levou o neno canda el tamén disfrazado, o neno guíndalle unha pedra a un carrizo, dándolle na pata, entre o nervio e o óso, facendo que Arianrhod dixera: Ys llaw gyffes y medrwys y Lleu ef (O louro deulle con man hábil), o que fixo que Gwydion se descubrira afirmando, xa ten nome, Lleu Llaw Gyffes. Furiosa por esta argallada Arianrhod lánzalle outro tynged polo que só ela o poderá armar pero Gwydion discorre un novo plan para que involuntariamente Arinarhod o arme, entón ela chántalle un terceiro tynged polo que non poderá casar con muller nada dun home.
Para eludiren o terceiro tynged Gwydion e Math crean a partir das flores de xesta, raíña dos prados e carballo a Blodeuwedd (faciana de flor) pero a muller ten un romance con Gronw Pebr e cóntalle como matar a Lleu Llaw Gyffes, este ao sentirse alcanzado por unha lanza arrebolada pola man de Gronw transfórmase en aguia. Gwydion vai na súa procura cantando unha serie de tres englyn e vólveo á súa forma humana, Gwydion e Math aténdeno na súa convalecencia ata que se recupera e pode enfrontarse con Gronw, ao que mata, Gwydion entrementres converte a Blodeuwedd nunha curuxa.
Serie sobre mitoloxía celta | |||||||
---|---|---|---|---|---|---|---|
Textos e relatos |
| ||||||
Personaxes | Afaon fab Taliesin · Amaethon · Arawn · Arianrhod · Artur · Afallach · Beli Mawr · Bleiddwn · Blodeuwedd · Bedwyr · Bendigeidfran · Branwen · Cai · Caradog ap Bran · Caswallawn · Ceridwen · Cyledr Wyllt · Cigfa · Creiddylad · Culhwch · Cyhyraeth · Dôn · Drudwas · Dylan ail Don · Dywel fab Erbin · Edern ap Nudd · Efnysien · Elen · Elffin ap Gwyddno · Eliwlod · Eufydd · Euroswydd · Geraint · Gilfaethwy · Glewlwyd Gafaelfawr · Goewin · Gofannon · Goreu fab Custennin · Gronw Pebr· Gwawl · Gwern · Gwrhyr · Gwyddno Garanhir · Gwydion · Gwyn ap Nudd · Gwythyr · Gwalchmei · Hafgan · Hefeydd · Hueil mab Caw · Hychddwn · Hyddwn · Iddog ap Mynio · Idris · Llefelys · Lleu · Llŷr · Lludd · Llwyd · Mabon · Madoc ap Uthyr · Macsen Wledig · Mallt-y-Nos · Manawydan · Math · Matholwch · Menw · Modron · Morfydd · Morfran · Nisien · Olwen · Penarddun · Penpingion · Peredur · Pryderi · Pwyll · Rhiannon · Sanddef · Seithenyn · Taliesin · Tegid Foel · Teyrnon · Ysbaddaden | ||||||
Animais e criaturas | Adar Llwch Gwin · Adar Rhiannon · Afanc · Cavall (Cafall, Cabal) · Ceffyl Dŵr · Cewri · Coblynau · Coraniaid · Cŵn Annwn · Cyhyraeth · Dreigiau · Gwyllgi · Gwyllion · Llamhigyn y Dŵr · Morgens · Plentyn Newid · Pwca · Twrch Trwyth · Tylwyth Teg | ||||||
Lugares | |||||||
Miscelánea | Caledfwlch · Caldeiro de renacemento · Llech Ronw · Os trece tesouros da illa de Bretaña |