Richard Brooks | |||||||
---|---|---|---|---|---|---|---|
Brooks no Festival du cinéma américain de Deauville (1985). | |||||||
Nome completo | Reuben Sax | ||||||
Nacemento | 18 de maio de 1912 | ||||||
Lugar | Filadelfia, Pensilvania | ||||||
Falecemento | 11 de marzo de 1992 (79 anos) | ||||||
Lugar | Beverly Hills, California | ||||||
Causa | Insuficiencia cardíaca | ||||||
Soterrado | Hillside Memorial Park Cemetery | ||||||
Nacionalidade | Estados Unidos | ||||||
Etnia | estadounidense | ||||||
Educado en | Universidade Temple | ||||||
Cónxuxe(s) | Jean Brooks (1941–1944) Harriette Levin (1946–1957) Jean Simmons (1960–1980) | ||||||
Profesión | Director, produtor, guionista | ||||||
| |||||||
Na rede | |||||||
| |||||||
[ editar datos en Wikidata ] | |||||||
Reuben Sax, nado en Filadelfia (Pensilvania) o 18 de maio de 1912 e finado en Beverly Hills (California) o 11 de marzo de 1992 foi un director, guionista, produtor e escritor estadounidense coñecido como Richard Brooks.
Tras graduarse na Temple University, Brooks traballou coma xornalista radiofónico. Na década de 1940 iniciou a súa carreira en Hollywood escribindo guións de filmes como Brute Force (1947) ou Key Largo (1948). En 1950 e grazas á axuda do actor Cary Grant disposto a colaborar cun director novel, debutou na dirección con Crisis, drama producido por Arthur Freed que Grant protagonizou xunto con José Ferrer. Ao longo desa década foi asentando a súa categoría como director de actores, especialmente polo éxito de Blackboard Jungle (1955), con Glenn Ford e Sidney Poitier.
Brooks rodou adaptacións de grandes obras literarias, como Os irmáns Karamazov de Fiódor Dostoyevski, Elmer Gantry, de Sinclair Lewis ou In Cold Blood, de Truman Capote. Un dos seus autores favoritos foi o dramaturgo Tennessee Williams, do que dirixiu Cat on a Hot Tin Roof (1958), con Elizabeth Taylor, Paul Newman e Burl Ives, e Doce paxaro de xuventude (1962), de novo con Newman.
A partir da década de 1970 a súa produción diminuíu en cantidade.
Wikimedia Commons ten máis contidos multimedia na categoría: Richard Brooks |